ଚାଲିଗଲେ ଅମୂଲ୍ ‘ଅଟର୍ଲି ବଟର୍ଲି’ ବିଜ୍ଞାପନର ନିର୍ମାତା
ପ୍ରସିଦ୍ଧ ‘ଅମୂଲ୍ ବାଳିକା’ ଅଭିଯାନର ସ୍ରଷ୍ଟା ସିଲ୍ବେଷ୍ଟର୍ ଦାକୁହ୍ନାଙ୍କର ଦେହାନ୍ତ ହୋଇଯାଇଛି। ବୁଧବାର ଦିନ ‘ଗୁଜରାଟ କୋଅପରେଟିଭ୍ ମିଲ୍କ ମାର୍କେଟିଙ୍ଗ୍ ଫେଡେରେସନ୍’ ଏହି ସୂଚନା ଦେଇଛନ୍ତି ।
‘ଗୁଜରାଟ କୋଅପରେଟିଭ୍ ମିଲ୍କ ମାର୍କେଟିଙ୍ଗ୍ ଫେଡେରେସନ୍’ର ପରିଚାଳନା ନିର୍ଦେଶକ ଜୟେନ୍ ମେହେଟ୍ଟା କହିଛନ୍ତି, ‘ଗୁଜରାଟ କୋଅପରେଟିଭ୍ ମିଲ୍କ ମାର୍କେଟିଙ୍ଗ୍ ଫେଡେରେସନ୍’ର ମାଲିକାନାରେ ଥିବା ‘ଅମୂଲ୍ ବ୍ରାଣ୍ଡ୍’ ନିମନ୍ତେ ସିଲ୍ବେଷ୍ଟର୍ ଦାକୁହ୍ନା ‘ଅଟର୍ଲି ବଟର୍ଲି’ ଅଭିଯାନ ଆରମ୍ଭ କରି ୧୯୬୬ରେ ‘ଅମୂଲ ଗାର୍ଲ’କୁ ପରିଚିତ କରିଥିଲେ। ସେ ଥିଲେ ‘ଅମୂଲ ଗାର୍ଲ’ର ସ୍ରଷ୍ଟା। ୬ ଦଶନ୍ଧି ଧରି ସେ ଥିଲେ ଅମୂଲ ବିଜ୍ଞାପନର ଅଂଶବିଶେଷ। ମାତ୍ର ଗୋଟିଏ ‘ଚରିତ୍ର’ ଥିବା ଏହି ବିଜ୍ଞାପନ ବିଶ୍ବରେ ଦୀର୍ଘ ଦିନ ଧରି ଚାଲିଥିବା ବିଜ୍ଞାପନ ଅଭିଯାନ ଭାବେ ପରିଚୟ ପାଇଛି। ତେଣୁ ତାଙ୍କ ଅବଦାନ ସବୁଦିନ ମନେରହିବ ବୋଲି ସେ କହିଥିଲେ ।
Powered by Froala Editor
