ବେଦୀରେ ଭୋ ଭୋ କାନ୍ଦିଲା ବର, ବାହା ହେବାକୁ ମନା କରିଦେଲେ କନ୍ୟା
![ବେଦୀରେ ଭୋ ଭୋ କାନ୍ଦିଲା ବର, ବାହା ହେବାକୁ ମନା କରିଦେଲେ କନ୍ୟା](https://odishanewslens.com/news_gallery/22267_1686764361.jpeg)
ବାହାଘର ଦିନ ବରପକ୍ଷ ସଜବାଜ ହୋଇ କନ୍ୟା ଘରେ ପହଞ୍ଚିଲେ । ସବୁ ରୀତିନୀତି ଆରମ୍ଭ ହୋଇଯାଇଥିଲା । ହେଲେ ଜୟମାଳା ବେଳେ ହଠାତ୍ କାନ୍ଦିଲା ବର । କନ୍ୟା ରାଗରେ ତମତମ ହୋଇଗଲେ । ଶେଷରେ ବାହାଘର ହେବେନି ବୋଲି ରୋକଠୋକ କହିଲେ । ଏହାକୁ ନେଇ ବର ଓ କନ୍ୟ ପକ୍ଷ ପାଟିତୁଣ୍ଡ ହେଲା । ହେଲେ କନ୍ୟା ବାହା ହେବାକୁ ରାଜି ହେଲେନାହିଁ । ଏ ଘଟଣା ପାଟଣା କୋପାର ଏକ ଅଞ୍ଚଳରେ ଘଟିଛି ବୋଲି କୁହାଯାଉଛି ।
କୋପାର ପତିଲା ନିବାସୀ ମୋତିଲାଲଙ୍କ ପୁତ୍ର ପ୍ରଶାନ୍ତ ବିବାହ ପାଇଁ ବରଯାତ୍ରୀ ଧରି ମଣ୍ଡପରେ ପହଞ୍ଚିଥିଲେ। ବିବାହକୁ ନେଇ ଉଭୟ ପକ୍ଷ ବହୁତ ଖୁସି ଥିବା ବେଳେ ବରର ମାନସିକ ଅବସ୍ଥା ଭଲନଥିବା କଥା ଜୟମାଲା ସମୟରେ କନ୍ୟା ଏବଂ ତାଙ୍କ ସାଙ୍ଗମାନେ ଅନୁଭବ କଲେ। ବିବାହର ରୀତିନୀତି ଆଗକୁ ବଢ଼ିବା ସହ ସେମାନଙ୍କ ସନ୍ଦେହ ବଢ଼ିଥିଲା। କନ୍ୟାର ସାଙ୍ଗମାନେ ବରକୁ ବିଭିନ୍ନ ପ୍ରଶ୍ନ କରିବା ଆରମ୍ଭ କରିଥିଲେ। ବର ପ୍ରଶାନ୍ତ ଏତେ ପ୍ରଶ୍ନ ଶୁଣି ଭୟଭୀତ ହେବା ସହ ମଣ୍ଡପରେ ସମସ୍ତଙ୍କ ସାମ୍ନାରେ କାନ୍ଦିବାକୁ ଲାଗିଲେ। ବରକୁ ଏପରି କାନ୍ଦୁଥିବା ଦେଖି କନ୍ୟା ରାଗିଯାଇଥିଲେ। ଏହା ପରେ ସେ ବିବାହ କରିବାକୁ ମନା କରିଦେଇଥିଲେ। ଏହାକୁ ନେଇ ଉଭୟ ପକ୍ଷ ମଧ୍ୟରେ ଝଗଡ଼ା ଆରମ୍ଭ ହୋଇଥିଲା। ବରପକ୍ଷ ଫେରି ଯାଇଥିଲେ।
Powered by Froala Editor