ବୋରୱେଲରେ ଜୀବନ ସହ ସଂଘର୍ଷ କରି ହାରିଗଲା ଅଢେଇ ବର୍ଷ ଝିଅ
ଏକ ଦୁଃଖଦ ଘଟଣା ଘଟିଛି । ଅଢେଇ ବର୍ଷର ଶିଶୁଟି ବୋରୱେଲରେ ଜୀବନ ସହ ସଂଘର୍ଷ କରି ହାରି ଯାଇଛି । ବହୁ କଷ୍ଟ କରି ତାକୁ ଉଦ୍ଧାର କରାଯାଇଥିଲେ ବି ଶିଶୁଟିର ମୃତ୍ୟୁ ହୋଇଛି ।
ମଙ୍ଗଳବାର ଅପରାହ୍ନରେ ଝିଅଟି ମୁଙ୍ଗାୱାଲି ଗାଁର ଏକ କ୍ଷେତରେ ୩୦୦ ଫୁଟ ଗଭୀର ବୋରୱେଲରେ ପଡ଼ିଯାଇଥିଲେ। ସୂଚନା ପାଇବା ମାତ୍ରେ ଜିଲ୍ଲା ପ୍ରଶାସନ ଘଟଣାସ୍ଥଳରେ ତୁରନ୍ତ ପହଞ୍ଚିଥିଲେ । ଝିଅକୁ ଉଦ୍ଧାର କରିବାକୁ ଏନଡିଆରଏଫ ଏବଂ ଏସଟିଆରଏଫ ଦଳ ମଧ୍ୟ ପହଞ୍ଚିଥିଲେ । ଏନଡିଆରଏଫ ଓ ଏସଟିଆରଏଫ ଯବାନମାନେ ଉଦ୍ଧାର କରିବାରେ ବିଫଳ ହେବାରୁ ଗୁଜୁରାଟରୁ ଏକ ତିନି ଜଣିଆ ରୋବୋଟିକ୍ ଟିମ୍ ଆସି ଝିଅଟିକୁ ଉଦ୍ଧାର କରିବାକୁ ଚେଷ୍ଟା ଜାରି ରଖିଥିଲେ। ପାଖାପାଖି ୫୫ ଘଣ୍ଟାର ଅପରେସନ ପରେ ଶେଷରେ ବୋରୱେଲରୁ ଅଢେଇ ବର୍ଷର ଝିଅକୁ ଉଦ୍ଧାର କରାଯାଇଛି । ହେଲେ କୁନି ଝିଅଟିର ମୃତ୍ୟୁ ହୋଇଯାଇଛି ।
ପ୍ରଥମେ କୁନି ଝିଅଟି ୨୭ ଫୁଟରେ ଫସି ରହିଥିଲା, କିନ୍ତୁ ଖନନ କାର୍ଯ୍ୟ ସମୟରେ ପଥର ଆସିବା ଦ୍ୱାରା ସୃଷ୍ଟି ହୋଇଥିବା କମ୍ପନ ଯୋଗୁଁ ଝିଅଟି ଖସି ଖସି ୧୧୦ ଫୁଟ ଗଭୀରତାକୁ ଚାଲିଯାଇଥିଲା । ପରେ ସୃଷ୍ଟି ୧୫୦ ଫୁଟ ଗଭୀରକୁ ଚାଲିଯାଇଥିଲା । ତେଣୁ ତାର ମୃତ୍ୟୁ ଘଟିଛି ।
Powered by Froala Editor
