ଷ୍ଟେଜ୍ରେ ଗୀତ ଗାଉଥିଲେ ଗାୟିକା, ଗୋଡ଼ରେ ବାଜିଲା ଗୁଳି
ବିହାରର ସାରଣ ଜିଲ୍ଲାରେ ଏକ କାର୍ଯ୍ୟକ୍ରମ ବେଳେ ଭୋଜପୁରୀ ଗାୟିକା ନିଶା ଉପାଧ୍ୟାୟଙ୍କ ଉପରକୁ ଗୁଳିମାଡ଼ ହୋଇଛି। ନିଶାଙ୍କ ବାମ ପଟ ଗୋଡ଼ରେ ଗୁଳି ବାଜିଛି।
ଖବର ଅନୁସାରେ, ସେଦୁଆର ଗାଁର ବୀରେନ୍ଦ୍ର ସିଂଙ୍କ ଘରେ କାର୍ଯ୍ୟକ୍ରମର ଆୟୋଜନ କରାଯାଇଥିଲା। ସେଠାରେ ଗାୟିକା ନିଶା ଉପାଧ୍ୟାୟ ପରଫର୍ମାନ୍ସ କରୁଥିଲେ। ଏହି ସମୟରେ ଗାଁର ଜଣେ ଯୁବକ ପବନରେ ଗୁଳି ଚଳାଇବା ଆରମ୍ଭ କରିଥିଲେ। ଏହାରି ଭିତରେ ଗାୟିକା ଗୋଡ଼ରେ ଗୁଳି ବାଜିଥିଲା। ସ୍ଥାନୀୟ ଲୋକେ ଗାୟିକାଙ୍କୁ ତୁରନ୍ତ ପାଟନାର ଏକ ଘରୋଇ ହସ୍ପିଟାଲ ନେଇଯାଇଥିଲେ। ଏହା ସହିତ ତାଙ୍କ ପରିବାର ଲୋକଙ୍କୁ ଏ ସମ୍ପର୍କରେ ଜଣାଇଥିଲେ। ଖବର ପାଇ ନିଶାଙ୍କ ପରିବାର ଲୋକେ ହସ୍ପିଟାଲରେ ପହଞ୍ଚିଥିଲେ।
ଗୁଳି ବାଜିବା ପରେ ସେଠାରେ ଉତ୍ତେଜନାମୂଳକ ପରିସ୍ଥିତି ସୃଷ୍ଟି ହୋଇଥିଲା। ପୋଲିସ ପହଞ୍ଚି ଘଟଣାର ତଦନ୍ତ ଆରମ୍ଭ କରିଛି। ସେପଟେ ହସ୍ପିଟାଲରେ ବର୍ତ୍ତମାନ ନିଶାଙ୍କର ଚିକିତ୍ସା ଚାଲିଛି।
Powered by Froala Editor
