ପୁଣି ଚାଲୁ ହେବ ଗେମିଂ ଆପ୍ BGMI : ଟ୍ରାଏଲ ପାଇଁ ମିଳିଲା ୩ ମାସର ଅନୁମତି
ଗେମିଂ ଆପ୍ ବ୍ୟାଟେଲଗ୍ରାଉଣ୍ଡ୍ସ ମୋବାଇଲ ଇଣ୍ଡିଆ(ବିଜିଏମଆଇ) ଉପରେ ଲାଗିଥିବା ବ୍ୟାନକୁ ହଟାଇ ଦେଇଛି ଭାରତ ସରକାର। ସରକାର ବିଜିଏମଆଇକୁ ପୁଣି ବ୍ୟବହାର କରିବାକୁ ଅନୁମତି ଦେଇଛି। କେନ୍ଦ୍ରମନ୍ତ୍ରୀ ରାଜୀବ ଚନ୍ଦ୍ରଶେଖର କହିଛନ୍ତି ଯେ ଗେମିଂ କମ୍ପାନୀ ସିଭିୟର ଲୋକେସନ ଓ ଡାଟା ସୁରକ୍ଷାକୁ ସୁନିଶ୍ଚିତ କରିବା ପରେ ଏହାକୁ ୩ ମାସ ଯାଏ ପରୀକ୍ଷା ମୂଳକ ଭାବେ ଚାଲୁ କରିବା ପାଇଁ ଅନୁମତି ଦିଆଯାଇଛି। ଏହା କେଉଁ ପ୍ରକାରର ପ୍ରଭାବ ପକାଉଛି, ତା’ ଉପରେ ନଜର ରହିବ। ୩ ମାସର ଟ୍ରାଏଲ ପରେ ଚୂଡ଼ାନ୍ତ ନିଷ୍ପତ୍ତି ନିଆଯିବ ବୋଲି ସେ କହିଛନ୍ତି।
ଅନଲାଇନର ଏହି ମଲ୍ଟିପ୍ଲେୟାର ଶୁଟିଂ ଗେମ୍କୁ ଦକ୍ଷିଣ କୋରିଆର ଗେମିଂ ଜିଆଣ୍ଟ କାରଫଟୋନ ଲଞ୍ଚ କରିଥିଲା। ୨୦୨୦ ସେପ୍ଟେମ୍ବରରେ ଭାରତ ସରକାର ପବ୍ଜିକୁ ବ୍ୟାନ୍ କରିବା ପରେ ବିଜିଏମଆଇ ଲଞ୍ଚ ହୋଇଥିଲା।
ଏହାକୁ ଚାଇନିଜ ଗେମିଂ ଆପ୍ ପବଜିର ବିକଳ୍ପ ଭାବେ ବ୍ୟବହାର କରାଯାଇଥିଲା। ତେବେ ଗତବର୍ଷ ଜୁଲାଇରେ ବିଜିଏମଆଇ ଉପରେ ମଧ୍ୟ ସରକାର ବ୍ୟାନ କରିଥିଲେ। କିନ୍ତୁ ଆଜି ସରକାର ବିଜିଏମଆଇକୁ ପୁଣି ବ୍ୟବହାର କରିବାକୁ ଅନୁମତି ଦେଇଛି।
Powered by Froala Editor
