କର୍ଣ୍ଣାଟକ : କର୍ଣ୍ଣାଟକ ବିଧାନସଭା ନିର୍ବାଚନକୁ ମାତ୍ର ୧୦ ଦିନ ବାକି ଅଛି । ରାଜ୍ୟର ସମସ୍ତ ରାଜନୈତିକ ଦଳର ପ୍ରଚାର ଦ୍ରୁତ ଗତିରେ ଚାଲିଛି । ଗୋଟିଏ ପଟେ ଶାସକ ବିଜେପି ପୁନର୍ବାର ସରକାର ଗଠନ ପାଇଁ ପ୍ରସ୍ତୁତି ଚଳାଇଥିବାବେଳେ ଅନ୍ୟପଟେ କଂଗ୍ରେସ କ୍ଷମତା ବଜାୟ ରଖିବାକୁ ସଂଘର୍ଷ କରୁଥିବା ଦେଖାଯାଉଛି । ସୂଚନା ଅନୁସାରେ କଂଗ୍ରେସ ପୁଣିଥରେ ଅଭିନେତା ଓ ରାଜନେତା କମଲ ହାସନଙ୍କ ନିକଟକୁ ଯାଇ ଦଳ ପାଇଁ ପ୍ରଚାର କରିବାକୁ ଅନୁରୋଧ କରିଛି । ନିକଟରେ କଂଗ୍ରେସ ନେତା ରାହୁଲ ଗାନ୍ଧୀ ଏବଂ କଂଗ୍ରେସର ସାଧାରଣ ସମ୍ପାଦକ ପ୍ରିୟଙ୍କା ଗାନ୍ଧୀ ଭଦ୍ରା ନିର୍ବାଚନକୁ ନେଇ ରାଜ୍ୟରେ ରୋଡ୍‌ ସୋ ଏବଂ ସାଧାରଣ ସଭା କରିଥିଲେ । ଏହା ବ୍ୟତୀତ ଦଳର ଅନ୍ୟ ଭେଟେରାନ ନେତାମାନେ ମଧ୍ୟ ଏହି ଅଭିଯାନରେ ବ୍ୟସ୍ତ ଅଛନ୍ତି ।

କମଲ ହାସନ ଏହା ପୂର୍ବରୁ ସମର୍ଥନ ଦେଇଥିଲେ
ଏହାପୂର୍ବରୁ ତାମିଲନାଡୁର ଏରୋଡ (ପୂର୍ବ) ଉପ-ନିର୍ବାଚନରେ କଂଗ୍ରେସ ପ୍ରାର୍ଥୀ ଇଭିଏକଏସ ଏଲାଙ୍ଗୋଭାନଙ୍କୁ  (ଏମଏନଏମ) ନେତା କମଲ ହାସନ ସମର୍ଥନ ଜଣାଇଛନ୍ତି । ସୂତ୍ରରୁ ପ୍ରକାଶ ଯେ କଂଗ୍ରେସ ପୁଣି କମଲ ହାସନଙ୍କ ନିକଟରେ ପହଞ୍ଚିଛି । କର୍ଣ୍ଣାଟକରେ ହେବାକୁ ଥିବା ବିଧାନସଭା ନିର୍ବାଚନରେ ପ୍ରଚାର କରିବାକୁ ଦଳ ତାଙ୍କୁ ଅନୁରୋଧ କରିଛି । କମଲ ହାସନ କଂଗ୍ରେସ ନିମନ୍ତ୍ରଣ ଏବଂ ନିର୍ବାଚନରେ ପ୍ରଚାର ବିଷୟରେ ଚିନ୍ତା କରୁଛନ୍ତି । ରାଜ୍ୟରେ ୨୨୪ ଟି ଆସନ ପାଇଁ ମୋଟ ୨,୬୧୩ ଜଣ ପ୍ରାର୍ଥୀ ଅଛନ୍ତି  । ମେ ୧୦ ରେ ଗୋଟିଏ ପର୍ଯ୍ୟାୟରେ ମତଦାନ ଅନୁଷ୍ଠିତ ହେବ । ଆସନ୍ତା ୧୩ ରେ ନିର୍ବାଚନର ଫଳାଫଳ ଘୋଷଣା କରାଯିବ ।

Powered by Froala Editor