ବର୍ଷେ ହେବ ଛୁଟିରେ ଥିଲେ, ଫ୍ଲାଟ୍ରୁ ମିଳିଲା ସବ୍-ଇନ୍ସପେକ୍ଟରଙ୍କ ଗଳିତ ମୃତଦେହ
ମହାରାଷ୍ଟ୍ରର ମୁମ୍ବାଇର ଏକ ଫ୍ଲାଟରୁ ଜଣେ ମହିଳା ପୁଲିସ ଅଧିକାରୀଙ୍କ ଗଳିତ ଶବ ଉଦ୍ଧାର କରାଯାଇଛି। ମୃତ ମହିଳା ପୁଲିସ ଅଧିକାରୀଙ୍କ ନାମ ଶୀତଲ ୟେଦକେ । ଯିଏକି ମୁମ୍ବାଇ ପୁଲିସରେ ସବ୍-ଇନ୍ସପେକ୍ଟର ଭାବେ ନିୟୋଜିତ ଥିଲେ। ପୁଲିସ୍ ଶବ ଜବତ କରି ଘଟଣାର ତଦନ୍ତ ଆରମ୍ଭ କରିଛି।
ନେହରୁ ନଗରର ଏକ ଆପାର୍ଟମେଣ୍ଟର ପଞ୍ଚମ ତାଲାରେ ଏକ ଫ୍ଲାଟରେ ଏକୁଟିଆ ରହୁଥିଲେ ଶୀତଲ। ସେ ପାଖ ପଡ଼ୋଶୀଙ୍କ ସହିତ ବେଶି ମିଶାମିଶି କରୁ ନ ଥିଲେ। ତାଙ୍କ ଫ୍ଲାଟର କବାଟ କିଛି ଦିନ ହେବ ବନ୍ଦ ରହିଥିବା ବେଳେ ସେଥିରୁ ଦୁର୍ଗନ୍ଧ ବାହାରୁଥିବା ନେଇ ସ୍ଥାନୀୟ ଲୋକେ ପୁଲିସ୍କୁ ଖବର ଦେଇଥିଲେ।
ପୁଲିସ୍ ପହଞ୍ଚି କବାଟ ଭାଙ୍ଗି ଭିତରକୁ ପଶିଥିଲା। ଘର ଭିତରେ ଶୀତଲଙ୍କ ମୃତଦେହ ଚଟାଣରେ ପଡ଼ିଥିବା ପୁଲିସ ଦେଖିବାକୁ ପାଇଥିଲା। ଶୀତଲଙ୍କ ମୃତଦେହ ସମ୍ପୂର୍ଣ୍ଣ ପଚି ଯିବା ସହିତ ସେଥିରୁ ଗନ୍ଧ ବାହାରୁଥିଲା। ତେବେ ଶୀତଲ ଜୀବନ ହାରିଛନ୍ତି ନା ଆଉ କିଛି କାରଣରୁ ତାଙ୍କର ମୃତ୍ୟୁ ହୋଇଛି ସେଦିଗରେ ଯାଞ୍ଚ କରୁଛି ପୁଲିସ।
ମୁମ୍ବାଇର କୁର୍ଲାର ନେହରୁ ନଗର ଥାନାରେ ୩୦ ବର୍ଷୀୟ ଶୀତଲ ସବ୍-ଇନ୍ସପେକ୍ଟର ଭାବେ କାମ କରୁଥିଲେ। ତେବେ ସେ ପ୍ରାୟ ଦେଢ ବର୍ଷ ହେବ ଛୁଟିରେ ଥିଲେ। ବର୍ଷେରୁ ଅଧିକ ସମୟ ଛୁଟିରେ ରହିବା କାରଣରୁ ତାଙ୍କ ବିରୋଧରେ ବିଭାଗୀୟ କାର୍ଯ୍ୟାନୁଷ୍ଠାନ ଆରମ୍ଭ ହୋଇଥିଲା। ତେବେ ତାଙ୍କର ଏପରି ମୃତ୍ୟୁ ପଛର କାରଣ କ’ଣ ତାହା ରିପୋର୍ଟ ଲେଖାହେଲା ପର୍ଯ୍ୟନ୍ତ ସ୍ପଷ୍ଟ ହୋଇପାରି ନଥିଲା ।
Powered by Froala Editor
