ଟିଏମସି ନେତାଙ୍କ ଝିଅଙ୍କୁ ଗିରଫ କଲା ଇଡି
![ଟିଏମସି ନେତାଙ୍କ ଝିଅଙ୍କୁ ଗିରଫ କଲା ଇଡି](https://odishanewslens.com/news_gallery/21142_1682530908.jpg)
ଗୋରୁ ଚୋରା ଚାଲାଣ ମାମଲାରେ ଟିଏମସି ନେତା ଅନୁବ୍ରତ ମଣ୍ଡଳଙ୍କ ଝିଅ ସୁକନ୍ୟା ମଣ୍ଡଳଙ୍କୁ ଇଡି ବା ପ୍ରବର୍ତ୍ତନ ନିର୍ଦ୍ଦେଶାଳୟ ଗିରଫ କରିଛି। ଏହି ଘଟଣାରେ ଆଜି ସୁକନ୍ୟାଙ୍କୁ ଇଡି ଜେରା ପାଇଁ ଡାକିଥିଲା। ଦୀର୍ଘ ଘଣ୍ଟାର ଜେରା ପରେ ଶେଷରେ ତାଙ୍କୁ ଗିରଫ କରାଯାଇଛି। ସୁକନ୍ୟା ମଣ୍ଡଳ ରାଜ୍ୟ ସରକାରଙ୍କ ଦ୍ୱାରା ପରିଚାଳିତ ଏକ ପ୍ରାଥମିକ ବିଦ୍ୟାଳୟରେ ଶିକ୍ଷୟତ୍ରୀ ଥିବାବେଳେ ଏହାପୂର୍ବରୁ ମଧ୍ୟ ତାଙ୍କୁ କେନ୍ଦ୍ରୀୟ ଯାଞ୍ଚ ଏଜେନ୍ସି ଡକାଇଥିଲେ, କିନ୍ତୁ ସେ ହାଜର ହୋଇନଥିଲେ।
ଗୋରୁ ଚୋରା ଚାଲାଣ ମାମଲାରେ ଇଡି ମନି ଲଣ୍ଡରିଂ ମାମଲା ରୁଜୁ କରିଛି। ଯାଞ୍ଚ ବେଳେ ସୁକନ୍ୟା ଏହି ମାମଲାରେ ଜଡ଼ିତ ଥିବା ଜଣାପଡ଼ିଥିଲା। ତାଙ୍କ ନାଁରେ ବିପୁଳ ପରିମାଣର ହିସାବ ବାହାରେ ସମ୍ପତ୍ତି ଓ ବ୍ୟାଙ୍କ ଜମା ରହିଥିଲା। ଏହାର ସତ୍ୟାସତ୍ୟ ଜାଣିବା ପାଇଁ ଇଡି ତାଙ୍କୁ ସମନ କରିଥିଲା। ସେ ଜେରା ବେଳେ ସନ୍ତୋଷଜନକ ଉତ୍ତର ଦେଇ ନ ପାରିବାରୁ ଇଡି ତାଙ୍କୁ ଗିରଫ କରିଛି।
ସୁକନ୍ୟାଙ୍କ ବାପା ଟିଏମସିର ବୀରଭୂମି ଜିଲ୍ଲା ସଭାପତି ଭାବେ କାମ କରୁଥିଲେ। ତାଙ୍କୁ ଗୋରୁ ଚୋରା ଚାଲାଣ ମାମଲାରେ ଇଡି ୨୦୨୨ରେ ଗିରଫ କରିଥିଲା।
Powered by Froala Editor