ମାଡି ଆସୁଛି ଅତି ଭୀଷଣ ସାମୁଦ୍ରିକ ଝଡ ୟାସ । ବାତ୍ୟା ୟାସ୍‌ର ଆଖି ପାରାଦୀପ ଡପଲର ରାଡାରରେ ସ୍ପଷ୍ଟ ହୋଇଛି । ବାତ୍ୟାର ଆଖି ୩୫ କିଲୋମିଟର ବ୍ୟାସାର୍ଦ୍ଧ ବିଶିଷ୍ଟ ହୋଇଥିବା ଜଣାପଡିଛି । ଭୟଙ୍କର ରୂପ ନେଇଥିବା ବାତ୍ୟା ୟାସ ଏବେ ଘଣ୍ଟାକୁ ୧୫ କିଲୋମିଟର ବେଗରେ ଉପକୂଳ ମୁହାଁ ବାତ୍ୟା । ଆସନ୍ତାକାଲି ସକାଳୁ ସ୍ଥଳଭାଗ ଛୁଇଁବ ବାତ୍ୟା । ଏହି ସମୟରେ ପବନର ବେଗ ୧୫୫ରୁ ୧୬୫ କିଲୋମିଟର ରହିବ । ବେଳେ ବେଳେ ପବନର ବେଗ ୧୮୫ କିଲୋମିଟର ହୋଇପାରେ । ବାତ୍ୟା ପ୍ରଭାବରେ ବାଲେଶ୍ବର, ଭଦ୍ରକ, କେନ୍ଦ୍ରାପଡ଼ା ଓ ଜଗତସିଂହପୁରରେ ଲାଗି ରହିଛି ବର୍ଷା ।  ତେବେ ଆଇଏମ୍‌ଡି ଡିଜି ମୃତ୍ୟୁଞ୍ଜୟ ମହାପାତ୍ରଙ୍କ ସୂଚନା ଅନୁସାରେ, ବର୍ତ୍ତମାନ ବାତ୍ୟାର ଆଖିଟି ସେତେ ଭଲଭାବରେ ବିକଶିତ ହୋଇନାହିଁ। ଯେତେବେଳେ ଏହା ରେଗୁଲାର ସ୍ଥିତିକୁ ଆସିଯିବ ତେବେ ତାହା କେତେ ଶକ୍ତିଶାଳି ହେବ ଜଣାପଡ଼ିବ ବୋଲି ସେ କହିଛନ୍ତି। 

କେତେ ଭୟଙ୍କର ବାତ୍ୟାର ଆଖି ?

ଆଖିର ବ୍ୟାସାର୍ଦ୍ଧାକୁ ନେଇ ବାତ୍ୟାର ତୀବ୍ରତା ସହିତ ସେମିତି କୌଣସି ଡାଇରେକ୍ଟ ସମ୍ପର୍କ ନାହିଁ। ତେବେ ସାଧାରଣ ଭାବେ ବ୍ୟାସାର୍ଦ୍ଧ ଅଧିକ ହେଲେ ବାତ୍ୟାର ତୀବ୍ରତା କମ୍ ହୋଇଥାଏ। ତେବେ ବର୍ତ୍ତମାନ ୟାସ୍‌ର ଆଖି ୩୫ କିମି ବ୍ୟାସାର୍ଦ୍ଧ ରହିଛି ଯାହାର ବ୍ୟାସ ୭୦ କିମି ରହିଛି। ଏହା ସାଧାରଣ ଠାରୁ ଅଧିକ ରହିଛି। ସାଧାରଣତଃ ବ୍ୟାସ ୩୦-୫୦ କିମି ଭିତରେ ରହିଥାଏ। ଏଗୁଡ଼ିକ ଅଧିକ ପ୍ରଭାବୀ ସାଇକ୍ଲୋନ ହୋଇଥାନ୍ତି। ତେବେ ଏଥିରେ ଯେଉଁ ୭୦ କିମି ଭିତରେ ରହିଛି। ଧୀରେ ଧୀରେ ଆଖିର ବ୍ୟାସାର୍ଦ୍ଧ କମିବ ଓ ବତ୍ୟାର ପ୍ରଭାବ ତୀବ୍ର ହେବ ବୋଲି ସେ ସୂଚନା ଦେଇଛନ୍ତି। 

Powered by Froala Editor