ମାଳତୀପାଟପୁରରେ ସିଏନଜି ଗ୍ୟାସ୍ ବୋଝେଇ ଗାଡ଼ି ଲିକ୍
ପୁରୀ : ପୁରୀ-ଭୁବନେଶ୍ବର ରାସ୍ତାର ମାଳତୀପାଟପୁର ନିକଟରେ ମାଳତୀପାଟପୁର ନିକଟରେ ସିଏନଜି ଗ୍ୟାସ୍ ବୋଝେଇ ଗାଡ଼ି ଲିକ୍ ହୋଇଛି। ଫଳରେ ସ୍ଥାନୀୟ ଅଞ୍ଚଳ ଧୂଆଁମୟ ହୋଇଯାଇଛି। ଅଗ୍ନିଶମ ବିଭାଗ ଦ୍ଵାରା ପାଣି ସ୍ପ୍ରେ କରାଯାଇଛି।
ପୁରୀରେ ବାଲୁଖଣ୍ଡ ଓ ଉତ୍ତରା ଛକ ନିକଟରେ ଗେଲ୍ ଗ୍ୟାସ୍ ଲିମିଟେର ଦୁଇଟି କମ୍ପ୍ରେସ୍ଡ ନ୍ୟାଚୁରାଲ ଗ୍ୟାସ (ସିଏନ୍ଜି) ଷ୍ଟେସନ ରହିଛି। କମ୍ପାନୀ ନିଜର ଏକ ସ୍ୱତନ୍ତ୍ର ସିଏନ୍ଜି ଷ୍ଟେସନ ପୁରୀଠାରେ ନିର୍ମାଣ କରିବାର ମଧ୍ୟ ଯୋଜନା ରଖିଛି। ପ୍ରତିଦିନ ପରି ଆଜି କମ୍ପ୍ରେସ୍ଡ଼ ନ୍ୟାଚୁରାଲ ଗ୍ୟାସ (ସିଏନ୍ଜି) ଷ୍ଟେସନରେ ଫିଲିଂ ପାଇଁ ୩୫୦୦ ୱାଟର ଲିଟର ଗ୍ୟାସ୍ ବୋଝେଇ ସିଏନଜି ଗାଡ଼ି ଆସୁଥିବାବେଳେ ହଠାତ୍ ମାଳତୀପାଟପୁରରେ ଲିକ୍ ହୋଇଥିଲା। ୩ଟି ସିଲିଣ୍ଡର ଲିକ୍ ହୋଇଥିବା ପ୍ରାଥମିକ ସୂଚନା ମିଳିଛି। ଖବର ପାଇ ତୁରନ୍ତ ଅଗ୍ନିଶମ ବିଭାଗର ଦମକଳ ଗାଡ଼ି ଘଟଣାସ୍ଥଳରେ ପହଞ୍ଚି ପାଣି ସ୍ପ୍ରେ କରିଛନ୍ତି।ପରିସ୍ଥିତି ବର୍ତ୍ତମାନ ନିୟନ୍ତ୍ରଣାଧୀନ ଅଛି।
Powered by Froala Editor
