ଲାଉଡ ମ୍ୟୁଜିକ୍ ବନ୍ଦ କରିବାକୁ କହିବାରୁ ଗର୍ଭବତୀଙ୍କୁ ଗୁଳି କରାଯାଇଛି ।  ମହିଳାଙ୍କ ଅବସ୍ଥା ଗୁରୁତର ରହିଥିବାବେଳେ ଗର୍ଭସ୍ଥ ଶିଶୁ ପ୍ରାଣ ହରାଇଛି । ଏଭଳି ଦୁଃଖଦ ଘଟଣା ଘଟିଛି ଲ୍ଲୀର ସିରାସପୁରରେ । ପୁଲିସ୍‌ ଗୁଳିମାଡ଼ କରିଥିବା ହରିଶ ଓ ବନ୍ଧୁକ ଦେଇଥିବା ଅମିତଙ୍କୁ ଗିରଫ କରି ଘଟଣାର ଅଧିକ ତଦନ୍ତ ଆରମ୍ଭ କରିଛି।

ରବିବାର ହରିଶ ତାଙ୍କ ପୁଅର କୁଆଁନ ପୂଜନ କାର୍ଯ୍ୟକ୍ରମ ଆୟୋଜନ କରିଥିଲେ। କାର୍ଯ୍ୟକ୍ରମରେ ଡିଜେ ବଜା ଯାଇଥିଲା। ଡିଜେ ଜୋରରେ ଶବ୍ଦ କରୁଥିବାରୁ ରଞ୍ଜୁ ତାଙ୍କ ବାଲକୋନୀକୁ ଆସି ସାଉଣ୍ଡ କମ କରିବାକୁ କହିଥିଲେ। ବାସ୍‌ ଏହାକୁ ନେଇ ଦୁଇ ଜଣଙ୍କ ମଧ୍ୟରେ ପାଟିତୁଣ୍ଡ ହୋଇଥିଲା। ଏଥିରେ ରାଗି ଯାଇ ହରିଶ ତାଙ୍କ ବନ୍ଧୁ ଅମିତଙ୍କ ଠାରୁ ବନ୍ଧୁକ ଆଣି ରଞ୍ଜୁଙ୍କ ଉପରକୁ ଗୁଳି ଚଳାଇଥିଲେ। ଗୁଳିଟି ସିଧା ତାଙ୍କ ବେକରେ ମାଡ଼ ହୋଇଥିଲା। ଲାଇସେନ୍ସ ବିହିନ ଏକ ଦେଶୀ ବନ୍ଧୁକରୁ ହରିଶ ଗୁଳି ଚଳାଇଥିବା ପୋଲିସ କହିଛି । ମହିଳାଙ୍କ ବେକରେ ଗୁଳି ବାଜିଥିବା ବେଳେ ଗର୍ଭସ୍ଥ ଶିଶୁ ନଷ୍ଟ ହୋଇଯାଇଛି । ଏବେ ମହିଳାଙ୍କ ସ୍ବାସ୍ଥ୍ୟବସ୍ଥା ସଙ୍କଟାପନ୍ନ ରହିଛି ।

ରାତି ପ୍ରାୟ ୧୨.୧୫ରେ ପିସିଆରକୁ ଗୁଳିମାଡ଼ ସମ୍ପର୍କରେ ସୂଚନା ମିଳିଥିଲା। ଘଟଣା ସ୍ଥଳରେ ପୁଲିସ ପହଞ୍ଚିଲା ବେଳକୁ ଗୁଳିମାଡ଼ରେ ଆହତ ହୋଇଥିବା ରଞ୍ଜୁଙ୍କୁ ମାକ୍ସ ହସ୍ପିଟାଲକୁ ସ୍ଥାନାନ୍ତର କରାଯାଇ ସାରିଥିଲା। ଗୁଳିଟି ତାଙ୍କ ବେକରେ ମାଡ଼ ହୋଇଥିବାରୁ ସେ ପୁଲିସ୍‌ ଆଗରେ କୌଣସି ବୟାନ ଦେଇ ପାରି ନାହାନ୍ତି।

Powered by Froala Editor