ନୂଆଦିଲ୍ଲୀ: ସରକାରୀ କର୍ମଚାରୀଙ୍କ ପାଇଁ କେନ୍ଦ୍ର ସରକାର (ସପ୍ତମ ବେତନ କମିଶନ) ଜରିଆରେ ଯେକୌଣସି ସମୟରେ ଏକ ଖୁସି ଖବର ଜଣାଇପାରନ୍ତି। ସରକାରୀ କର୍ମଚାରୀଙ୍କ ଦରମା ବୃଦ୍ଧି ହୋଇପାରେ ବୋଲି ଅନୁମାନ କରାଯାଉଛି। ଏକ ରିପୋର୍ଟ ଅନୁଯାୟୀ,  କେନ୍ଦ୍ର ମନ୍ତ୍ରୀମଣ୍ଡଳ ସରକାରୀ କର୍ମଚାରୀଙ୍କ ପାଇଁ ଡିଏ ବୃଦ୍ଧି ଘୋଷଣା କରିପାରନ୍ତି। ସରକାରୀ କର୍ମଚାରୀଙ୍କ ପାଇଁ କେନ୍ଦ୍ର ୪% ଡିଏ ବୃଦ୍ଧି ଘୋଷଣା କରିବେ ବୋଲି ଅନୁମାନ କରାଯାଉଛି। ଯଦି କେନ୍ଦ୍ର କ୍ୟାବିନେଟ୍ ଏହାକୁ ଅନୁମୋଦନ କରେ, ତେବେ ୧ ଜାନୁଆରୀ ୨୦୨୩ରୁ ଏହି ଡିଏ ଲାଗୁ ହେବ।

ପ୍ରତିବର୍ଷ ପରି କେନ୍ଦ୍ର ଦୁଇଥର ଡିଏ ବୃଦ୍ଧି କରିଥାଏ। ପ୍ରଥମେ ଜାନୁଆରୀରେ ଏବଂ ପରେ ଜୁଲାଇରେ। ଗତ ବର୍ଷ କେନ୍ଦ୍ର ପ୍ରଥମେ ମାର୍ଚ୍ଚରେ ଏବଂ ପରେ ସେପ୍ଟେମ୍ବରରେ ଏହାର କର୍ମଚାରୀଙ୍କ ପାଇଁ ଡିଏ ବୃଦ୍ଧି କରିଥିଲା। ଗତ ଥର, ଡିଏରେ ୪ ପ୍ରତିଶତ ବୃଦ୍ଧି ପରେ ଏହା ୩୪ ପ୍ରତିଶତରୁ ୩୮ ପ୍ରତିଶତକୁ ସିଧାସଳଖ ବୃଦ୍ଧି ପାଇଇଥିଲା। ଗଣମାଧ୍ୟମର ରିପୋର୍ଟ ଏହା ପ୍ରଥମ ଥର ନୁହେଁ ଯେ କେନ୍ଦ୍ରରୁ ଡିଏ ବୃଦ୍ଧି ଘୋଷଣା। ପୂର୍ବରୁ ସୂଚନା ଆସିଥିଲା ଯେ ହୋଲି ସମୟରେ କେନ୍ଦ୍ର ଡିଏ ବୃଦ୍ଧି କରିପାରେ। ତେବେ ହୋଲି ସରିଯାଇଥିଲେ ସୁଦ୍ଧା ଏନେଇ କୌଣସି ସ୍ପଷ୍ଟ ସୂଚନା ମିଳିପାରିନାହିଁ।

ସୂଚନାଥାଉକି, ୪% ଡିଏ ବୃଦ୍ଧି ସହିତ କେନ୍ଦ୍ର ସରକାରୀ କର୍ମଚାରୀଙ୍କ ଟେକ୍ ହୋମ୍ ଦର ବୃଦ୍ଧି କରିବ। ଉଦାହରଣ ସ୍ୱରୂପ, ଯଦି ଜଣେ କର୍ମଚାରୀଙ୍କ ମୌଳିକ ଦରମା ବା ବେସିକ୍‌ ସାଲାରୀ ମାସକୁ ୨୫,୫୦୦ ଟଙ୍କା, ତେବେ ୩୮% ରେ କର୍ମଚାରୀଙ୍କ ଡିଏ ହେଉଛି ୯,୬୯୦ ଟଙ୍କା ଏବଂ ୪% ଡିଏ ଯଦି ବୃଦ୍ଧି ପାଏ, ତେବେ ଏହା ୧୦,୭୧୦ ଟଙ୍କାକୁ ବୃଦ୍ଧି ପାଇବ। ତବେ ଚଳିତ ବର୍ଷ ମାର୍ଚ୍ଚ ମାସ ଆଉ କେଇଟା ଦିନରେ ସରିବାକୁ ଥିବା ବେଳେ କେନ୍ଦ୍ର କେବେ କର୍ମଚାରୀଙ୍କ ଡିଏ ବୃଦ୍ଧି କରିବେ, ତାକୁ ହିଁ ଅପେକ୍ଷା।

Powered by Froala Editor