୯୦ ସେକେଣ୍ଡରେ କମାଲ : ମା’ ଗର୍ଭରେ ଥିବା ଶିଶୁ ଦେହରେ ଲଗାଗଲା ହୃତପିଣ୍ଡ
ଦିଲ୍ଲୀର ଅଲ ଇଣ୍ଡିଆ ଇନଷ୍ଟିଚ୍ୟୁଟ ଅଫ ମେଡିକାଲ ସାଇନ୍ସ (ଏମ୍ସ)ରେ ବିରଳ ଅସ୍ତ୍ରୋପଚାର ହୋଇଛି। ମହିଳାଙ୍କ ଗର୍ଭରେ ବଢୁଥିବା ଗର୍ଭସ୍ଥ ଶିଶୁର ହୃଦପିଣ୍ଡ ଅପରେଶନ ମାତ୍ର ୯୦ ସେକେଣ୍ଡରେ ସଫଳ ହୋଇଛି।
ସୂଚନାଯୋଗ୍ୟ, ଦିଲ୍ଲୀ ଏମ୍ସରେ ୨୮ ବର୍ଷୀୟା ଗର୍ଭବତୀ ମହିଳା ଚିକିତ୍ସା ପାଇଁ ଆସିଥିଲେ। ପରୀକ୍ଷା ସମୟରେ ଜଣାପଡିଥିଲା ମହିଳାଙ୍କ ଗର୍ଭରେ ବଢୁଥିବା ଶିଶୁଟିର ହୃତପିଣ୍ଡ ନାହିଁ। ତେଣୁ ଶିଶୁର ହୃଦପିଣ୍ଡ ଅସ୍ତ୍ରୋପଚାର କରିବାକୁ ପଡିବ, ନ ହେଲେ ଶିଶୁଟି ବିନା ହୃତପିଣ୍ଡରେ ଜନ୍ମ ନେବ। ଏନେଇ ତାଙ୍କ ମାତାପିତାଙ୍କୁ ପ୍ରଥମେ ପଚରାଯାଇଥିଲା। ଏହାପରେ ଦମ୍ପତି ଅସ୍ତ୍ରୋପଚାର ପାଇଁ ରାଜି ହୋଇଯାଇଥିଲେ। ଅସ୍ତ୍ରୋପଚାର ଏମ୍ସସ୍ଥିତ କାର୍ଡିଓଥୋରାସିକ୍ ସାଇନ୍ସ ସେଣ୍ଟରରେ ହୋଇଥିଲା।
ଡାକ୍ତରମାନେ ମା’ ଗର୍ଭାଶୟ ଭିତରେ ହାର୍ଟ ବେଲୁନ୍ ଡାୟଲେସନ୍ ପ୍ରକ୍ରିୟାକୁ ମାତ୍ର ୯୦ ସେକେଣ୍ଡରେ ସମାପ୍ତ କରିଥିଲେ। ଯାହାକୁ ଏକ ବିରଳ ଅସ୍ତ୍ରୋପଚାର ବୋଲି କୁହାଯାଉଛି। ପ୍ରସୂତି ଏବଂ ସ୍ତ୍ରୀ ରୋଗ ବିଭାଗର ଏକ ବିଶେଷଜ୍ଞ ଟିମ୍ ଏହି ପ୍ରକ୍ରିୟାକୁ ସଫଳ କରିଛନ୍ତି। ଏବେ ମା' ଏବଂ ଜନ୍ମିତ ହେବାକୁ ଥିବା ଶିଶୁର ସ୍ବାସ୍ଥ୍ୟାବସ୍ଥା ଭଲ ରହିଛି।
Powered by Froala Editor
