ପ୍ରଶ୍ନକାଳରେ ମାଇକ୍ ଭାଙ୍ଗିଲେ ବିଧାୟକ, ବିଧାନସଭାରୁ ଦୁଇ ଦିନ ନିଲମ୍ବିତ
ବିହାର ବିଧାନସଭାର ପ୍ରଶ୍ନକାଳ ଚାଲିଥିବା ବେଳେ ଜୋରଦାର ହଙ୍ଗାମା ସହ ଗାଲିଗୁଲଜ କରି ମାଇକ ଭାଙ୍ଗିଛନ୍ତି ବିଜେପି ବିଧାୟକ ଲଖେନ୍ଦ୍ର ପାସୱାନ। ଏହି ପୂରା ଘଟଣା ଭିଡିଓ ସୋଶାଲ ମିଡିଆରେ ଭାଇରାଲ ମଧ୍ୟ ହୋଇଛି। ପରିସ୍ଥିତି ଏତେ ଖରାପ ହୋଇଗଲା ଯେ, ବାଚସ୍ପତି ଗୃହକୁ ମୁଲତବୀ କରିବାକୁ ବାଧ୍ୟ ହୋଇଥିଲେ। ଏହି ଘଟଣା ପରେ ତାଙ୍କ ବିରୋଧରେ କଡା କାର୍ଯ୍ୟାନୁଷ୍ଠାନ ଗ୍ରହଣ କରାଯାଇଛି । ତାଙ୍କୁ ବିଧାନସଭାରୁ ଦୁଇ ଦିନ ଯାଏଁ ନିଲମ୍ବିତ କରାଯାଇଛି ।
ଗୃହରେ ପ୍ରଶ୍ନକାଳ ଚାଲିଥିବା ବେଳେ ଶାସକ ଦଳ ଦ୍ୱାରା ଦୁର୍ବ୍ୟବହାର କରାଯାଇଥିବା କୁହାଯାଉଛି। ପ୍ରଶ୍ନ କରୁଥିବା ବିଜେପି ବିଧାୟକ ଲଖେନ୍ଦ୍ର ପାସୱାନଙ୍କୁ ଅଟକାଇବାରୁ ସେ ରାଗି ଯାଇ ମାଇକ ଭାଙ୍ଗିଥିଲେ। ଏହା ପରେ ଶାସକ ଦଳ ଏବଂ ବିରୋଧୀ ମୁହାଁମୁହିଁ ହୋଇଥିଲେ।
ଲଖେନ୍ଦ୍ର ପାସୱାନ ହେଉଛନ୍ତି ପାତେପୁରର ବିଜେପି ବିଧାୟକ। ବିହାର ବିଧାନସଭାର ବଜେଟ୍ ଅଧିବେଶନରେ ବିରୋଧୀ ବିଧାୟକମାନେ ଆଇନ ଶୃଙ୍ଖଳା ପରିସ୍ଥିତି ସୃଷ୍ଟି କରିଥିଲେ। ଅଙ୍ଗନୱାଡି କର୍ମଚାରୀଙ୍କ ସମ୍ମାନ ବୃଦ୍ଧି ଦାବିରେ ଜୋରଦାର ହଙ୍ଗାମା ହୋଇଥିବା ଦେଖିବାକୁ ମିଳିଥିଲା।
Powered by Froala Editor
