ଭୁବନେଶ୍ୱର:  ଦିବଙ୍ଗତ ମନ୍ତ୍ରୀ ନବ ଦାସଙ୍କ ହତ୍ୟାକାଣ୍ଡ ହଠାତ୍ ହୋଇନି କି ଏହା ଆକ୍ସିଡେଣ୍ଟାଲ ଡେଥ ନୁହେଁ । ଏହା ପଛରେ ବହୁ ଦିନର ଷଡ଼ଯନ୍ତ୍ର ରହିଛି । ତେବେ ଗୁଳି ବାଜିବା ପରେ ନବ ଦାସଙ୍କ ମୃତ୍ୟୁ ଘଟଣା ସ୍ଥଳରେ ହିଁ ହୋଇଥିଲା ବୋଲି କଂଗ୍ରେସ ବିଧାୟକ ଦଳର ନେତା ନରସିଂହ ମିଶ୍ର କହିଛନ୍ତି ।
ଅନ୍ୟପଟେ ରାଜ୍ୟ ସରକାରଙ୍କୁ ଟାର୍ଗେଟ କରି ରାଜ୍ୟରେ ଆଇନର ଶାସନ ନୁହେଁ ବରଂ ଜଙ୍ଗଲୀ ଶାସନ ଚାଲିଛି ବୋଲି ନରସିଂହ କହିଛନ୍ତି । ନବ ଦାସଙ୍କ ହତ୍ୟାକାଣ୍ଡରେ ତଦନ୍ତକାରୀ ସଂସ୍ଥା ଉପରେ ଲୋକଙ୍କ ସନ୍ଦେହ ବଢୁଛି । ତଦନ୍ତକାରୀ ସଂସ୍ଥା ପ୍ରେସମିଟ ଜରିଆରେ ଲୋକଙ୍କ ସମ୍ପୂର୍ଣ୍ଣ ତଥ୍ୟ ଦେବା ଦରକାର ବୋଲି ସେ କହିଛନ୍ତି । ନବ ଦାସଙ୍କ ହତ୍ୟାକାଣ୍ଡ ନେଇ ପୋଲିସ ଡିଜି ଏବଂ କ୍ରାଇମବ୍ରାଞ୍ଚ ମୁହଁ ଖୋଲୁନଥିବା ବେଳେ ରାଜ୍ୟରେ ଡିଜି ନଥିବା ଭଳି ମନେ ହେଉଛି ଏବଂ ଡିଜି କିଛି ବି କରୁନାହାନ୍ତି ବୋଲି ନରସିଂହ କହିଛନ୍ତି । ତେବେ ସରକାର କାହିଁକି ତାଙ୍କୁ ନିଯୁକ୍ତି ଦେଇଛନ୍ତି ବୋଲି ପ୍ରଶ୍ନ କରିବା ସହିତ ତାଙ୍କୁ ତୁରନ୍ତ ଏହି ପଦରୁ ବିଦା କରନ୍ତୁ ବୋଲି କଂଗ୍ରେସ ବିଧାୟକ ଦଳର ନେତା ବୟାନ ରଖିଛନ୍ତି ।ସେପଟେ ଗୋବିନ୍ଦର ମୃତ୍ୟୁ ହତ୍ୟା କି ଆତ୍ମହତ୍ୟା ପୋଲିସ ତାହା ଏଯାଏଁ ସ୍ପଷ୍ଟ କରିନି । କ୍ରାଇମବ୍ରାଞ୍ଚର ପାରିବାପଣିଆ ଏଥିରୁ ଜଣା ପଡୁଛି ବୋଲି ନରସିଂହ କହିଛନ୍ତି ।

Powered by Froala Editor