ଦିଲ୍ଲୀ ଶ୍ରଦ୍ଧା ଓ୍ବାକର ହତ୍ୟା ମାମଲାରେ ଦିଲ୍ଲୀ ପୋଲିସ ୩ ହଜାର ପୃଷ୍ଠାର ଚାର୍ଜସିଟ ପ୍ରସ୍ତୁତ କରିଛି। ହତ୍ୟା ଅଭିଯୁକ୍ତ ତଥା ଲିଭଇନ ପାର୍ଟନର ଆଫତାବ ପୁନାଓ୍ବାଲା ବିରୋଧରେ ଏହି ଚାର୍ଜସିଟ ପ୍ରସ୍ତୁତ ହୋଇଛି । ସୂଚନା ଅନୁସାରେ ଏହି ଡ୍ରାଫ୍ଟ ଡକ୍ୟୁମେଣ୍ଟରେ ୧୦୦ ସାକ୍ଷୀଙ୍କ ବୟାନ ରହିଛି। ମାସ ମାସ ଧରି ଫରେନ୍‌ସିକ୍ ତଦନ୍ତ ଓ ଇଲେକ୍‌ଟ୍ରୋନିକ୍ ପ୍ରମାଣ ଆଧାରରେ ଏହି ଡ୍ରାଫ୍ଟ ଚାର୍ଜସିଟ୍‌କୁ ପ୍ରସ୍ତୁତ କରିଛି ପୁଲିସ। ଏଥିସହ ପୁଲିସ ଅଫତାବ୍‌ଙ୍କ ସ୍ୱୀକାରୋକ୍ତି, ତାଙ୍କ ନାର୍କୋ ପରୀକ୍ଷା ଫଳାଫଳ, ଫୋରେନ୍‌ସିକ୍ ଟେଷ୍ଟ୍ ରିପୋର୍ଟ କଥା ବି ଚାର୍ଜସିଟ୍‌ରେ ରହିଛି। 

ବିଭିନ୍ନ ଆଇନ ବିଶେଷଜ୍ଞଙ୍କ ଦ୍ବାରା ବର୍ତ୍ତମାନ ଚାର୍ଜସିଟର ସମୀକ୍ଷା କରାଯାଉଥିବା ସୂଚନା ମିଳିଛି । ଡିଏନ୍‌ଏ ରିପୋର୍ଟରୁ ସ୍ପଷ୍ଟ ହୋଇସାରିଛି ଯେ ଛତରପୁର ଜଙ୍ଗଲରୁ ଜବତ ହୋଇଥିବା ହାଡଖଣ୍ଡ ଶ୍ରଦ୍ଧାର ଥିଲା। ଏସବୁ ଚାର୍ଜସିଟ୍‌ରେ ଉଲ୍ଲେଖ ରହିଛି।

ଗତବର୍ଷ ମେ ୧୮ ତାରିଖରେ ଶ୍ରଦ୍ଧାଙ୍କୁ ହତ୍ୟା କରିବା ପରେ ଶରୀରକୁ ୩୫ ଖଣ୍ଡ କରି ଦିଲ୍ଲୀ ମେହରୁଲି ଜଙ୍ଗଲରେ ଫୋପାଡି଼ ଦେଇଥିଲା ଆଫତାବ । ହତ୍ୟାରେ ବ୍ୟବହୃତ ହୋଇଥିବା କରତ ଓ ବ୍ଲେଡକୁ ଗୁରୁଗ୍ରାମର ଜଙ୍ଗଲିଆ ସ୍ଥାନରେ ଫୋପାଡି ଥିଲା। ଗତ ଡିସେମ୍ବରରେ ମିଳିଥିବା ଅସ୍ଥିଗୁଡିକର ଡିଏନଏ ଟେଷ୍ଟରୁ ଏହା ଶ୍ରଦ୍ଧାଙ୍କର ବୋଲି ପ୍ରମାଣିତ ହୋଇଥିଲା ।

Powered by Froala Editor