ନୂଆଦିଲ୍ଳୀ: ରାଜନୀତି ବ୍ୟତୀତ ନିଜ ବିବାହ ପ୍ରସଙ୍ଗଙ୍କୁ ନେଇ ମଧ୍ୟ ଚର୍ଚ୍ଚାରେ ରହିଥାନ୍ତି କଂଗ୍ରେସର ପୂର୍ବତନ ଅଧ୍ୟକ୍ଷ ରାହୁଲ ଗାନ୍ଧୀ। ଏବେ ନିଜର ବିବାହକୁ ନେଇ ମୁହଁ ଖୋଲିଛନ୍ତି ରାହୁଲ। ରାହୁଲ କହିଛନ୍ତି ସେ ଏଭଳି ମହିଳାଙ୍କ ସହ ବିବାହ କରିବାକୁ ଚାହିବେ ଯାହାଙ୍କଠାରେ ତାଙ୍କର ଜେଜେମା ଇନ୍ଦିରା ଗାନ୍ଧୀ ଏବଂ ମା’ ସୋନିଆ ଗାନ୍ଧୀଙ୍କ ଗୁଣ ଥିବ।  ଏକ ୟୁଟ୍ୟୁବ୍ ଚାନେଲକୁ ଦେଇଥିବା ସାକ୍ଷାତକାରରେ ଏଭଳି କହିଛନ୍ତି ରାହୁଲ। ରାହୁଲ କହିଛନ୍ତି ଯେ ମୋ ଜେଜେମା ମୋର ଦ୍ବିତୀୟ ମା’।  
ଏହି ସାକ୍ଷାତକାର୍‌ରେ କହିଥିଲେ ଯେ ଯଦି ତାଙ୍କୁ କେହି ‘ପପ୍ପୁ’ କହିଥାନ୍ତି। ତାହା ତାଙ୍କୁ ଖରାପ ଲାଗିନଥାଏ। କାରଣ ଏସବୁ କୁପ୍ରଚାର ଅଂଶ। ଏଭଳି କହୁଥିବା ଲୋକ ନିଜେ ଚିନ୍ତିତ ଥା’ନ୍ତି ଏବଂ ଡରିଥାନ୍ତି। ରାହୁଲ କହିଛନ୍ତି ’ଏମିତି କହୁଥିବା ବ୍ୟକ୍ତିଠାରେ ଡର ରହିଛି, ତାଙ୍କ ଜୀବନରେ କିଛି ନାହିଁ, ତାଙ୍କର ଅନ୍ୟମାନଙ୍କ ସହ ସମ୍ପର୍କ ଭଲ ନାହିଁ। ତାଙ୍କୁ ମତେ ଗାଳି ଦେବାର ଆବଶ୍ୟକତା ରହିଛି, ତେ‌ବେ ଗାଳି ଦିଅନ୍ତୁ। ମୁଁ ସ୍ବାଗତ କରିବି। ସେ ଆହୁରି କହିଥିଲେ ମୁଁ କାହାକୁ ଘୃଣା କରୁନାହିଁ। ଆପଣ ମତେ ଗାଳି ଦଅନ୍ତୁ। ମୁଁ ଆପଣଙ୍କୁ ଘୃଣା କରିବିନାହିଁ।’

ସେ ଏହି ସାକ୍ଷାତକାରରେ ଗାଡ଼ି ଏବଂ ବାଇକ୍ ବିଷୟରେ ମଧ୍ୟ ଚର୍ଚ୍ଚା କରିଛନ୍ତି ସେ କହିଛନ୍ତି ଯେ ତାଙ୍କ ପାଖରେ ନିଜର କୌଣସି କାର୍‌ ନାହିଁ, କିନ୍ତୁ ତାଙ୍କ ମା’ଙ୍କ ପାଖରେ ଗୋଟିଏ କାର୍ ରହିଛି। ଲଣ୍ଡନରେ ଥବାବେଳେ ଆରଏସ ବାଇକ୍ ଚଳାଉଥି‌ଲେ ବୋଲି କହିଛନ୍ତି ରାହୁଲ। ରାହୁଲ କହିଛନ୍ତି ଯେ ସେ ସାଇକେଲ ଚଳାଇବାକୁ ପସନ୍ଦ କରିଥାନ୍ତି।

Powered by Froala Editor