ଆର୍ଜେଣ୍ଟିନାକୁ ନବୀନଙ୍କ ଶୁଭେଚ୍ଛା
ଭୁବନେଶ୍ବର:ଫିଫା ବିଶ୍ବକପ ଫାଇନାଲରେ ଆର୍ଜେଣ୍ଟିନାକୁ ମୁକୁଟ । ବିଜୟୀ ଆର୍ଜେଣ୍ଟିନାକୁ ଟ୍ବିଟ୍ କରି ଶୁଭେଚ୍ଛା ଜଣାଇଛନ୍ତି ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ । ଏହା ସହ ମେସିଙ୍କ ପ୍ରଦର୍ଶନକୁ ପ୍ରଶଂସା କରିଛନ୍ତି ନବୀନ । ସେହିପରି ରନର୍ସ ଅପ୍ ଟିମ୍ ଫ୍ରାନ୍ସର ଲଢ଼ୁଆ ପ୍ରଦର୍ଶନକୁ ମଧ୍ୟ ମୁଖ୍ୟମନ୍ତ୍ରୀ ପ୍ରଶଂସା କରିଛନ୍ତି ।
ତୃତୀୟ ଥର ଲାଗି ବିଶ୍ବବିଜୟୀ ହେଲା ଆର୍ଜେଣ୍ଟିନା । ପେନାଲଟି ସୁଟଆଉଟରେ ୪-୨ରେ ଫ୍ରାନ୍ସକୁ ହରାଇଛି ଟିମ୍ । ୩୬ ବର୍ଷ ପରେ ତୃତୀୟ ଥର ଲାଗି ଆର୍ଜେଣ୍ଟିନା ହୋଇଛି ଚାମ୍ପିଅନ । ଏହା ସହ ଅନ୍ୟ କେତେକ ବର୍ଗରେ ବିଶ୍ବରେକର୍ଡର ଅଧିକାରୀ ହୋଇଛନ୍ତି ଲିଓନିଲ ମେସି । ଆର୍ଜେଣ୍ଟିନା ପକ୍ଷରୁ ମେସି ୨ଟି ଗୋଲ ଓ ଆଞ୍ଜେଲ ଡି ମାରିଆ ଗୋଟିଏ ଗୋଲ ଦେଇଥିଲେ ।
ସେପଟେ ଜବାବରେ ଫ୍ରାନ୍ସ ପକ୍ଷରୁ କିଲିଆନ ଏମ୍ବାପେ ୩ଟି ଗୋଲ ଦେଇଥିଲେ । ଫଳରେ ମ୍ୟାଚ ବରାବର ହେବାରୁ ପେନାଲଟି ସୁଟଆଉଟ ହୋଇଥିଲା । ପେନାଲଟି ସୁଟ ଆଉଟରେ ୪-୨ ଗୋଲରେ ଫ୍ରାନ୍ସକୁ ପରାସ୍ତ କରି ଆର୍ଜେଣ୍ଟିନା ହାତେଇଛି ବିଶ୍ବକପ ।
Powered by Froala Editor
