୫୪ ସଦସ୍ୟଙ୍କୁ ଛାଡ଼ି ଉଠିଲା ଲାଇସେନସ ରଦ୍ଦ କଟକଣା
ସମ୍ବଲପୁର: ସମ୍ବଲପୁର ବାର୍ ଆସୋସିଏଶନର ସମସ୍ତ ସଭ୍ୟଙ୍କ ଲାଇସେନ୍ସ ରଦ୍ଦ ନେଇ ଡିସେମ୍ବର ୧୨ରେ ଜାରି ନିର୍ଦ୍ଦେଶନାମାକୁ ବାର୍ କାଉନସିଲ ଅଫ ଇଣ୍ଡିଆ (ବିସିଆଇ) ପ୍ରତ୍ୟାହାର କରିନେଇଛି। ଫଳରେ ସମ୍ବଲପୁର ଓକିଲ ସଂଘର ୫୪ ସଦସ୍ୟଙ୍କୁ ଛାଡ଼ି ଅନ୍ୟ ସମସ୍ତ ସଦସ୍ୟଙ୍କ ଲାଇସେନସ ରଦ୍ଦ କଟକଣା ଉଠି ଯାଇଛି। ଫଳରେ ଏହି ୫୪ ଆଇନଜୀବୀଙ୍କୁ ଛାଡ଼ି ସମ୍ବଲପୁର ବାର୍ ଆସୋସିଏଶନର ଅନ୍ୟ ସମସ୍ତ ଆଇନଜୀବୀଙ୍କୁ କାର୍ୟ୍ୟ କରିବାକୁ ଅନୁମତି ମିଳିଛି।ଏ ନେଇ ଗତକାଲି ଏକ ସାନି ନିର୍ଦ୍ଦେଶନାମା ଜାରି କରାଯାଇଛି ।
ଗତ ୧୨ ତାରିଖରେ ପ୍ରଥମ ପର୍ୟ୍ୟାୟରେ ୨୯ ଜଣ ଓକିଲଙ୍କ ଲାଇସେନ୍ସ ରଦ୍ଦ କରାଯାଇଥିବା ବେଳେ ୧୩ ତାରିଖରେ ପୁଣି ୧୪ ଜଣଙ୍କର ଲାଇସେନ୍ସ ରଦ୍ଦ କରିଥିଲା ବାର୍ କାଉନସିଲ୍ ଅଫ୍ ଇଣ୍ଡିଆ। ଏହାପରେ ଗତକାଲି ପୁଣି ୧୧ ଜଣଙ୍କର ଲାଇସେନସ ରଦ୍ଦ କରାଯାଇଥିଲା। ଏପରି ଭାବେ ମୋଟ ୫୪ଜଣଙ୍କର ଲାଇସେନ୍ସ ରଦ୍ଦ ହୋଇଥିବା ବେଳେ ତାହା ବଳବତ୍ତର ରହିଛି ।
Powered by Froala Editor
