ସ୍ବାସ୍ଥ୍ୟାବସ୍ଥାରେ ଅବନତି : ଶର୍ମିଲାଙ୍କୁ ଜବରଦସ୍ତ ହସ୍ପିଟାଲ ନେଲା ପୋଲିସ
ଆମରଣ ଅନଶନ କରିଥିବା ‘ୱାଇଏସ୍ଆର୍ ତେଲେଙ୍ଗାନା ପାର୍ଟି’ର ଅଧ୍ୟକ୍ଷା ୱାଇ. ଏସ୍. ଶର୍ମିଲାଙ୍କ ଅନଶନ ଭାଙ୍ଗିବା ସହିତ ତାଙ୍କୁ ଡାକ୍ତରଖାନାକୁ ସ୍ଥାନାନ୍ତର କରିଛି। ତାଙ୍କ ସ୍ବାସ୍ଥ୍ୟାବସ୍ଥାରେ ଅବନତି ଘଟିବାରୁ ରବିବାର ପୋଲିସ ତାଙ୍କୁ ଜବରଦସ୍ତ ହସ୍ପିଟାଲକୁ ଉଠାଇନେଇଛି।
ଶୁକ୍ରବାରଠାରୁ ଶର୍ମିଲା ଦଳ ମୁଖ୍ୟାଳୟରେ ଅନଶନରେ ବସିଥିଲେ। ପୋଲିସ ସେଠାରୁ ଗଣମାଧ୍ୟମ ପ୍ରତିନିଧି, ଦଳୀୟ କର୍ମୀ ଓ ନେତାଙ୍କୁ ତଡ଼ିଦେବା ସହ ଶର୍ମିଲାଙ୍କ ଅନଶନକୁ ବିଫଳ କରିଛି। ରବିବାର ପୂର୍ବାହ୍ନ ୧୧ଟାରେ ତାଙ୍କୁ ଜବରଦସ୍ତ ହସ୍ପିଟାଲ ନିଆଯାଇଥିଲା।
ଅନଶନରତ ଶର୍ମିଲା ପାଣି ନ ପିଇବାରୁ ତାଙ୍କ ସ୍ବାସ୍ଥ୍ୟାବସ୍ଥାରେ ଦ୍ରୁତ ଅବନତି ଦେଖାଦେଲା ବୋଲି ଦଳ ପକ୍ଷରୁ କୁହାଯାଇଛି। ଶର୍ମିଲାଙ୍କ ଅନଶନ ଭାଙ୍ଗିବା ଲାଗି ପୁଲିସ ଗତରାତିରେ ଗଣମାଧ୍ୟମ ପ୍ରତିନିଧି, ଦଳୀୟ ନେତା ଓ କର୍ମୀମାନଙ୍କୁ ଘଟଣା ସ୍ଥଳରୁ ହଟାଇ ଦେଇଥିଲା। ପରେ ରାତି ପ୍ରାୟ ୧ଟା ବେଳେ ପୁଲିସ ଶର୍ମିଲାଙ୍କୁ ଡାକ୍ତରଖାନାକୁ ସ୍ଥାନାନ୍ତର କରିଥିଲା।
Powered by Froala Editor
