ଦିଲ୍ଲୀ ବିଜେପି ଅଧ୍ୟକ୍ଷ ପଦରୁ ଇସ୍ତଫା ଦେଲେ ଆଦେଶ ଗୁପ୍ତା
ଦିଲ୍ଲୀ ମହାନଗର ନିଗମ ନିର୍ବାଚନରେ ବିଜେପି ଆମ ଆଦମୀ ପାର୍ଟି ଠାରୁ ହାରିଯିବା ପରେ ଦିଲ୍ଲୀ ବିଜେପି ଅଧ୍ୟକ୍ଷ ଆଦେଶ ଗୁପ୍ତା ନିଜ ପଦରୁ ଇସ୍ତଫା ଦେଇଛନ୍ତି। ଆଦେଶ ଗୁପ୍ତା ଦଳର ରାଷ୍ଟ୍ରୀୟ ଅଧ୍ୟକ୍ଷ ଜେପି ନଡ୍ଡାଙ୍କ ପାଖକୁ ନିଜ ଇସ୍ତଫା ପତ୍ର ପଠାଇଛନ୍ତି। ଜେପି ନଡ୍ଡା ମଧ୍ୟ ତାଙ୍କ ଇସ୍ତଫାକୁ ସ୍ୱୀକାର କରିନେଇଥିବା କୁହାଯାଉଛି।
ଆଦେଶ ଗୁପ୍ତା ଏମ୍ସିଡିର ୱାର୍ଡ ନମ୍ବର ୧୪୧ ରାଜେନ୍ଦ୍ର ନଗରରେ ରୁହନ୍ତି। ଏଠାରୁ ଆମ୍ ଆଦମୀ ପାର୍ଟିର ଆରତୀ ଚାୱଲା ବିଜୟ ହାସଲ କରିଛନ୍ତି। ତେବେ ଏମ୍ସିଡି ନିର୍ବାଚନ ଫଳାଫଳ ଆସିବାର ଶେଷ ଯାଏଁ ଆଦେଶ ଗୁପ୍ତା ନିଜ ବିଜୟ ପକ୍କା ନେଇ ଦାବି କରୁଥିଲେ। କିନ୍ତୁ ଶେଷରେ ସେ ନିର୍ବାଚନରେ ହାରି ଯାଇଥିଲେ।
ଗୁପ୍ତାଙ୍କ ଉତ୍ତରାଧିକାରୀଙ୍କୁ ନିଯୁକ୍ତି ଦିଆଯିବା ପର୍ଯ୍ୟନ୍ତ ବୀରେନ୍ଦ୍ର ସଚଦେବାଙ୍କୁ କାର୍ଯ୍ୟନିର୍ବାହୀ ସଭାପତି ଭାବେ ଦାୟିତ୍ବ ଦିଆଯାଇଛି। ୨୦୨୦ ଜୁନ୍ରେ ‘ବିଜେପି’ର ଦିଲ୍ଲୀ ୟୁନିଟ୍ର ମୁଖ୍ୟ ଭାବେ ଆଦେଶ ଗୁପ୍ତାଙ୍କୁ ନିଯୁକ୍ତି ଦିଆଯାଇଥିଲା।
Powered by Froala Editor
