ସମ୍ପତ୍ତି ପାଇଁ ହତ୍ୟା : ବର୍ଷୀୟାନ ଅଭିନେତ୍ରୀଙ୍କୁ ପିଟିପିଟି ମାରିଦେଲା ସାନ ପୁଅ
ସମ୍ପତ୍ତି ପାଇଁ ମା’କୁ ନିର୍ମମ ଭାବେ ମାରିଦେଲା ସାନପୁଅ । ଅଭିନେତ୍ରୀ ବୀଣା କପୁରଙ୍କୁ ନେଇ ଏଭଳି ଚାଞ୍ଚଲ୍ୟକର କଥା ସାମ୍ନାକୁ ଆସିଛି। ତାଙ୍କ ସାନପୁଅ ସମ୍ପତ୍ତି ଲାଗି ଅଭିନେତ୍ରୀଙ୍କ ହତ୍ୟା କରିଛି। ଏବେ ପୋଲିସ ଅଭିଯୁକ୍ତ ଏବଂ ତାଙ୍କ ଘରେ କାମ କରୁଥିବା ଲଲୁ କୁମାର ମଣ୍ଡଳଙ୍କୁ ଗିରଫ କରିଛି।
ଜୁହୁ ଅଞ୍ଚଳରେ ରହୁଥିବା ବୀଣାଙ୍କ ବଡ଼ ପୁଅ ଆମେରିକାରେ ରୁହନ୍ତି। ତେବେ ସାନ ପୁଅ ସଚିନଙ୍କ ସହ ସମ୍ପତ୍ତିକୁ ନେଇ ବିବାଦ ଲାଗି ରହିଥିଲା। ସଚିନ ଅଭିନେତ୍ରୀଙ୍କଠାରୁ ୧୨ କୋଟି ମୂଲ୍ୟର ଫ୍ଲାଟ୍ ନେବାକୁ ଚାହୁଁଥିଲେ। ଏହାକୁ ନେଇ ଅନେକ ଥର ଉଭୟଙ୍କ ବଚସା ମଧ୍ୟ ହୋଇଥିଲା। ସଚିନ ଉତ୍ତ୍ୟକ୍ତ ହୋଇ ବୀଣାଙ୍କ ମୁଣ୍ଡକୁ ବେସବଲ୍ରେ ପିଟିପିଟି ହତ୍ୟା କରିବା ପରେ ମୃତଦେହକୁ ନେଇ ଘରଠାରୁ ୯୦ କିମି ଦୂର ରାୟଗଡ଼ ଜିଲାର ମାଥେରନ୍ ନଦୀରେ ଫିଙ୍ଗିଦେଇ ଆସିଥିଲେ।
ବୀଣାଙ୍କ ବଡ଼ପୁଅ ତୁରନ୍ତ ମୁମ୍ବାଇ ପୋଲିସ ନିକଟରେ ଅଭିଯୋଗ କରିଥିଲେ। ପୋଲିସ ଯାଞ୍ଚ କରିବା ପରେ ସଚିନ ସବୁ ସତ ମାନି ନେଇଥିଲେ।
Powered by Froala Editor