ରିଭାବାଙ୍କ ଦମଦାର ବିଜୟ, ଜାମନଗରରେ ରୋଡ୍ ଶୋ’
ଗୁଜରାଟ ବିଧାନସଭା ନିର୍ବାଚନରେ ବିଜେପି ଐତିହାସିକ ବିଜୟ ହାସଲ କରିଛି। ଏଜାମନଗର ଉତ୍ତର ଆସନରୁ ବାଜି ମାରିଛନ୍ତି କ୍ରିକେଟର ରବୀନ୍ଦ୍ର ଜାଡେଜାଙ୍କ ସ୍ତ୍ରୀ ତଥା ଭାଜପା ପ୍ରାର୍ଥୀ ରିଭାବା ଜାଡେଜା। ବିଜୟ ପରେ ସେ ବିଜେପି ଓ ତାଙ୍କୁ ସମର୍ଥନ କରିଥିବା ଗୁଜରାଟବାସୀଙ୍କୁ ଧନ୍ୟବାଦ ଦେଇଛନ୍ତି। ଏଥିସହ ସେ ବିଜେପି ଗୁଜରାଟରେ ଜାରି ରଖିଥିବା ବିକାଶ ଯାତ୍ରାରେ ସାମିଲ ହୋଇଥିବା କହିଛନ୍ତି।
ନିର୍ବାଚନରେ ରିଭାବା ତାଙ୍କ ନିକଟତମ ପ୍ରତିଦ୍ୱନ୍ଦ୍ୱୀ ଆପ୍ର କରଶନଭାଇ କାରମାରଙ୍କୁ ୩୦ ହଜାରରୁ ଅଧିକ ଭୋଟ ବ୍ୟବଧାନରେ ହରାଇଛନ୍ତି। ବିଜୟ ପରେ ସେ ସ୍ବାମୀଙ୍କ ରବିନ୍ଦ୍ର ଜାଡେଜାଙ୍କ ସହ ମିଶି ଏକ ରୋଡ ଶୋ' କରିଛନ୍ତି। ବିଜେପି ଓ ତାଙ୍କୁ ସମର୍ଥନ କରିଥିବା ଗୁଜରାଟବାସୀଙ୍କୁ ଧନ୍ୟବାଦ ଦେଇଛନ୍ତି। ଭୋଟ ଗଣତି ଆରମ୍ଭରୁ ରିଭାବା ପଛରେ ରହିଥିଲେ। ପରିସ୍ଥିତି ଏପରି ହୋଇଥିଲା ସେ ତୃତୀୟ ସ୍ଥାନରେ ଥିଲେ। କିନ୍ତୁ ଶେଷରେ ବାଜି ମାରିନେଇଥିଲେ।
Powered by Froala Editor
