ଗୋଟିଏ ପ୍ୟାକେଟ ପାଉଁରୁଟିରେ ଅତିକମରେ ୧୦-୧୨ ଟି ପାଉଁରୁଟି ଥାଏ । ଥରକରେ ଏତେ ପାଉଁରୁଟି ଖାଇବା ସହଜ ନୁହେଁ । ଏହା ସହ ଅଧିକ ଖାଇଲେ ପେଟ ସମସ୍ୟା ହେବାର ଭୟ ଥାଏ । ପାଉଁରୁଟିକୁ ୨-୩ ଦିନ ରଖିଦେଲେ, ସେଥିରୁ ଦୁର୍ଗନ୍ଧ ବାହାରେ । ଏକ୍ସପ୍ୟାରୀ ତାରିଖ ପ୍ୟାକେଟ ଉପରେ ଲେଖାଯାଇଥିବା ଧାର୍ଯ୍ୟ ଦିନ ପୂର୍ବରୁ ପାଉଁରୁଟି ଖରାପ ହୋଇଯାଏ । ତେବେ ଅଧିକ ଦିନ ପାଉଁରୁଟିକୁ ସତେଜ କିପରି ରଖିବେ, ସେ ବିଷୟରେ ଜାଣି ରଖନ୍ତୁ ।

ଅତିବେଶୀରେ ଗୋଟିଏ ପ୍ୟାକେଟ ପାଉଁରୁଟିକୁ ୪-୫ ଦିନ ପର୍ଯ୍ୟନ୍ତ ରଖି ଖାଇହୁଏ । ଅଧିକ ଦିନ ରଖି ଖାଇଲେ ପେଟ ସମସ୍ୟା ହେବାର ଭୟ ରହିଛି । କର୍ମଜୀବୀ ମହିଳାମାନେ ଡିପ ଫି୍ରଜରରେ ପାଉଁରୁଟିକୁ ରଖି ୩-୪ ଦିନ ଆରାମରେ ବ୍ୟବହାର କରିପାରିବେ । ପାଉଁରୁଟି ଖାଇବାର ୨ ଘଣ୍ଟା ପୂର୍ବରୁ ଏହାକୁ ବାହାର କରିବେ । ନଚେତ ମାଇକ୍ରୋୱେଭ କିମ୍ବା ତାୱାରେ ଗରମାଗରମ ସେକି ମଧ୍ୟ ଖାଇହେବ ।
ଆଜିକାଲି ଅନଲାଇନ ସାଇଟ ଓ ବଜାରରେ ବିଭିନ୍ନ ଡିଜାଇନର ବ୍ରେଡ ବକ୍ସ ମିଳୁଛି । ସେଥିରେ ପାଉଁରୁଟି ରଖି ଫି୍ରଜରେ ରଖନ୍ତୁ, ଯେତେବେଳେ ଇଚ୍ଛା ହେବ ଫି୍ରଜରୁ ଆଣି ଖାଇପାରିବେ । ଏଇ ଉପାୟରେ ମଧ୍ୟ ପାଉଁରୁଟି ୩-୪ ଦିନ ରଖି ଖାଇହେବ ।
ଆଉ ଏକ କଥା ଜାଣି ରଖନ୍ତୁ । ପାଉଁରୁଟିକୁ ପ୍ୟାକେଟରେ ରଖନ୍ତୁ ନାହିଁ । ଧଳା କାଗଜ ନଚେତ ବଜାରରେ ମିଳୁଥିବା କିଚେନ ଟିସୁରେ ଗୁଡ଼ାଇ ଫି୍ରଜରେ ରଖିଲେ ମଧ୍ୟ ତାହା ୩-୪ ଦିନ ପର୍ଯ୍ୟନ୍ତ ସତେଜ ରୁହେ ।

Powered by Froala Editor