ବାଘ ଦାନ୍ତ ଜବତ
ରଣପୁର: ବନ ବିଭାଗ ଛଦ୍ମ ବେଶରେ ଗ୍ରାହକ ସାଜି ନୟାଗଡ଼ ଜିଲ୍ଲା ରଣପୁରର ଜନୈକ ବ୍ୟକ୍ତିଙ୍କଠାରୁ ୨ଟି ବାଘ ଦାନ୍ତ ଜବତ କରିଛି । ଖାଲି ବାଘ ଦାନ୍ତ ନୁହେଁ ଗୋଟିଏ ନେପାଳୀ ମୂଷା ଓ ଗୋଟିଏ ଶୁଆ ମଧ୍ୟ ଜବତ କରିଛି । ସମ୍ପୃକ୍ତ ବ୍ୟକ୍ତିକୁ ଅଟକ ରଖି ପଚରାଉଚରା କରୁଛି । ତଦନ୍ତରେ ବାଧା ଉପୁଜିବା ଆଶଙ୍କା କରି ବନ ବିଭାଗ ସମ୍ପୃକ୍ତ ବ୍ୟକ୍ତିର ନାମ ଗୋପନ ରଖିଛି । ଏହା ପଛରେ ର୍ୟାକେଟ୍ କାମ କରୁଥିବା ଜଣାପଡ଼ିଛି ।
ଉଲ୍ଲେଖଯୋଗ୍ୟ, ଦୁଇ ବର୍ଷ ତଳେ ରଣପୁର ସଂରକ୍ଷିତ ଜଙ୍ଗଲରେ ଗୋଟିଏ ଚିତା ବାଘ ମାରି ତାର ଛାଲ ଉତ୍ତରିବାର ଦୃଶ୍ୟର ଭିଡିଓ ଭାଇରାଲ୍ ହୋଇଥିଲା । ଚିତାବାଘଟିର ଛାଲ, ନଖ, ଦାନ୍ତ ଚାଲାଣ କରାଯାଇଥିଲା । ସେତେବେଳେ କ୍ରାଇମବ୍ରାଞ୍ଚ୍ର ଏସ୍ଟିଏଫ୍ ଟିମ୍ ରଣପୁର, ଦଶପଲ୍ଲା ଆଦି ସ୍ଥାନରେ ଚଢ଼ାଉ କରି ଏକାଧିକ ବ୍ୟକ୍ତିଙ୍କୁ ଗିରଫ କରିଥିଲା । ଏହି ଘଟଣାରୁ ରଣପୁର ସଂରକ୍ଷିତ ଜଙ୍ଗଲରେ ଚିତା ବାଘ ଚଳପ୍ରଚଳ କରୁଥିବା ଜଣାପଡ଼ିଥିଲା ।
Powered by Froala Editor
