ଲୁଣ ବିନା ଖାଦ୍ୟ ସମ୍ପୂର୍ଣ୍ଣ ସ୍ୱାଦହୀନ ଲାଗେ । କିନ୍ତୁ ଯଦି ଆବଶ୍ୟକତା ଠାରୁ ଅଧିକ ଲୁଣ ଖାଆନ୍ତି ଆପଣ ଘୋର ଅସୁବିଧାର ସମ୍ମୁଖୀନ ହୋଇପାରନ୍ତି । ନିକଟରେ ବିଶ୍ୱ ସ୍ୱାସ୍ଥ୍ୟ ସଂଗଠନର ଅଧ୍ୟୟନରୁ ଜଣାପଡିଛି ଯେ ଅଧିକ ଲୁଣ ଖାଇବା ଦ୍ୱରା ପ୍ରତିବର୍ଷ ୩ନିୟୁତ ଲୋକଙ୍କର ମୃତୁ୍ୟ ଘଟିଥାଏ । ଏଥିପାଇଁ ‘ହୁ’ ସମଗ୍ର ଦେଶରେ ଲୁଣ ବ୍ୟବହାର ପାଇଁ ନୂତନ ଗାଇଡଲାଇନ୍ ଜାରି କରିଛି । ଯଦି ଆପଣ ଦିନକୁ ୫ଗ୍ରାମରୁ ଅଧିକ ଲୁଣ ଖାଉଛନ୍ତି, ତେବେ ଏହା ଶରୀରର କେତେକ ଅଙ୍ଗ ଉପରେ ପ୍ରଭାବ ପକାଇଥାଏ ବୋଲି ‘ହୁ’ କହିଛି । ଏହା ସହିତ ୬୦ରୁ ଉଦ୍ଧ୍ୱର୍ ଖାଦ୍ୟ ବର୍ଗରେ ସୋଡିୟମ ସ୍ତର ପାଇଁ ନୂତନମାନକ ସ୍ଥିର କରାଯାଇଛି । ଏହି ଅନୁଯାୟୀ ୬୦ରୁ ଅଧିକ ଖାଦ୍ୟ ବର୍ଗରେ ଲୁଣ ସ୍ତର ପାଇଁ ଗାଇଡଲାଇନ ଦେଶରେ ଲୁଣ ଗ୍ରହଣକୁ ହ୍ରାସ କରିବାରେ ଏବଂ ଲୋକଙ୍କ ଜୀବନ ରକ୍ଷା କରିବାରେ ସାହାଯ୍ୟ କରିବ । ବିଶେଷଜ୍ଞଙ୍କ ମତରେ ଶରୀରରେ ସୋଡିୟମ ଏବଂ ପୋଟାସିୟମର ସନ୍ତୁଳନ ଆବଶ୍ୟକ । ଖାଦ୍ୟରେ ଅଧିକ ଲୁଣ ରକ୍ତଚାପ, ହୃଦରୋଗ ଏବଂ ଷ୍ଟୋ୍ରକ ହେବାର ଆଶଙ୍କା ବଢିବା ସହିତ ଏହା ହାଡକୁ ମଧ୍ୟ ଦୁର୍ବଳ କରିଥାଏ । ସାଧାରଣତଃ ଲୋକମାନେ ପ୍ରତିଦିନ ୯-୧୨ଗ୍ରାମ ଲୁଣ ଖାଆନ୍ତି । ଏକ ସୁସ୍ଥ ପ୍ଲାଜମା ସୃଷ୍ଟି କରିବା ଓ ସ୍ନାୟୁରେ ଉନ୍ନତି ଆଣିବା ପାଇଁ ଲୁଣ ସେବନ ଆବଶ୍ୟକ ବୋଲି ବିବେଚନା କରାଯାଏ । କିନ୍ତୁ ଲୁଣ ଖାଇବାରେ ସୀମା ଅତିକ୍ରମ କରିବା ଅତ୍ୟନ୍ତ କ୍ଷତିକାରକ । ‘ହୁ’ ଆକଳନ କରିଛି ଯେ, ଯଦି ଲୁଣ ବ୍ୟବହାର ଶୃଙ୍ଖଳିତ ସ୍ତରକୁ କମିଯାଏ ତେବେ ବିଶ୍ୱରେ ୨.୫ନିୟୁତ ମୃତୁ୍ୟକୁ ରୋକାଯାଇପାରିବ । ସଂଗଠନର ଧାରଣା ହେଉଛି ପ୍ରୋସେସ୍ଡ ଫୁଡରେ ଲୁଣ ଗ୍ରହଣକୁ ହ୍ରାସ  କରିବା । ଅନେକ ବିଶ୍ୱାସ କରନ୍ତିଯେ ଝାଳ ବାହାରିବା ପରେ ଅଧକ ଲୁଣ ଖାଇବା ଉଚିତ୍ । କିନ୍ତୁ ଏହା ଭୁଲ ଧାରଣା , ଝାଳ ବାହାରିବା ପରେ କେବଳ ହାଇଡ୍ରେସନ୍ ଆବଶ୍ୟକ । ଅଧିକ ଲୁଣ ଖାଇବା ଦ୍ୱରା ଯେକୌଣସି ବୟସରେ ରକ୍ତଚାପ ବଢିପାରେ ।  ୧୦୦ଗ୍ରାମ ଆଳୁ ଚିପ୍ସରେ ସର୍ବାଧିକ ୧୦୦ଗ୍ରାମ ସୋଡିୟମ ରହିବା ଉଚିତ୍ । ପିଠା ଓ ପେଷ୍ଟ୍ରି ଆଦିରେ ୧୨୦ ଗ୍ରାମ ପର୍ଯ୍ୟନ୍ତ ସୋଡିୟମ ଏବଂ ପ୍ରକ୍ରିୟାକୃତ ମାଂସରେ ୩୦ମିଲିଗ୍ରାମ ସୋଡିୟମ ରହିବ ବୋଲି ହୁ ପକ୍ଷରୁ କୁହାଯାଇଛି ।

Powered by Froala Editor