ଏୟୁ ସ୍ମଲ୍ ଫାଇନାନ୍ସ ବ୍ୟାଙ୍କ ଭୁବନେଶ୍ୱରରେ ଚାରିଟି ନୂଆ ପୋଲିସ ବୁଥ୍ ସହିତ ସଡ଼କ ସୁରକ୍ଷାକୁ ପରିବର୍ଦ୍ଧିତ କଲା
ଭୁବନେଶ୍ୱର : ସଡ଼କ ସୁରକ୍ଷା ଏବଂ ଗୋଷ୍ଠୀ କଲ୍ୟାଣ ପ୍ରତି ପ୍ରତିବଦ୍ଧତାର ଅଂଶ ଭାବରେ ଭାରତର ସର୍ବବୃହତ ସ୍ମଲ୍ ଫାଇନାନ୍ସ ବ୍ୟାଙ୍କ, ଏୟୁ ସ୍ମଲ ଫାଇନାନ୍ସ ବ୍ୟାଙ୍କ ଭୁବନେଶ୍ୱରର କେତେକ ସର୍ବାଧିକ ବ୍ୟସ୍ତବହୁଳ ଜଙ୍କ୍ସନଗୁଡିକରେ ଚାରିଟି ପୂର୍ଣ୍ଣ ସୁସଜ୍ଜିତ ପୋଲିସ ବୁଥ୍ ସ୍ଥାପନ କରି ଭୁବନେଶ୍ୱର ଟ୍ରାଫିକ ପୋଲିସକୁ ନିଜର ସମର୍ଥନ ଯୋଗାଇ ଦେଇଛି । ଏହି ପ୍ରୟାସ ବ୍ୟାଙ୍କର ସିଏସ୍ଆର କାର୍ଯ୍ୟକ୍ରମ ଅଧୀନରେ ହାତକୁ ନିଆଯାଇଥିବାବେଳେ ଏହାଦ୍ୱାରା ଟ୍ରାଫିକ ପରିଚାଳନାରେ ଉନ୍ନତି, ବାସ୍ତବ କ୍ଷେତ୍ରରେ ଟ୍ରାଫିକ ନିୟମର ପ୍ରବର୍ତ୍ତନ ଏବଂ ଜନସାଧାରଣଙ୍କ ନିମନ୍ତେ ନିରାପଦ ଗମନା ଗମନ ଅନୁଭୂତିକୁ ପ୍ରୋତ୍ସାହିତ କରିବାକୁ ଲକ୍ଷ୍ୟ ରଖାଯାଇଛି ।
ନୂଆକରି ଉଦ୍ଘାଟିତ ବୁଥ୍ଗୁଡିକ ପ୍ରତିଦିନ ବିପୁଳ ସଂଖ୍ୟାରେ ଯାନବାହନ ଚଳାଚଳ କରୁଥିବା କେଶୁରା ଛକ, ଗ୍ୟାରେଜ ଛକ, ପଳାଶୁଣି ଏବଂ ରାଜମହଲ ଛକରେ ରଣକୋଶଳାତ୍ମକ ଦୃଷ୍ଟିରୁ ଅବସ୍ଥିତ । ପ୍ରତ୍ୟେକ ବୁଥ୍ରେ ବସିବା ବ୍ୟବସ୍ଥା, ପଙ୍ଖା ଏବଂ ମାଇକ ବ୍ୟବସ୍ଥା ଭଳି ଅତ୍ୟାବଶ୍ୟକ ସୁବିଧା ଯୋଗାଇ ଦିଆଯାଇଛି । ଏହି ବୁଥ୍ଗୁଡିକ ଟ୍ରାଫିକ କର୍ମଚାରୀଙ୍କୁ ବାସ୍ତବ ସମୟ ଭିତ୍ତିକ ଟ୍ରାଫିକ ନିରୀକ୍ଷଣରେ ଉନ୍ନତି ଆଣିବା, ଟ୍ରାଫିକ ନିୟମ ଉଲ୍ଲଂଘନ ଏବଂ ଜରୁରୀ ପରିସ୍ଥିତିରେ ଅଧିକ ତ୍ୱରିତ ଭାବରେ ପଦକ୍ଷେପ ଗ୍ରହଣ ଏବଂ ସଡ଼କ ସୁରକ୍ଷା ଅଭ୍ୟାସକୁ ନେଇ ଜନସାଧାରଣଙ୍କ ମଧ୍ୟରେ ବାର୍ତ୍ତା ପ୍ରଚାର ବ୍ୟବସ୍ଥାକୁ ସୁଦୃଢ କରିବାରେ ସହାୟକ ହେବ ।
ମଧ୍ୟପ୍ରଦେଶ, ରାଜସ୍ଥାନ ଏବଂ ଉତ୍ତର ପ୍ରଦେଶରେ ଏୟୁ ଏସଏଫ୍ବି ଆଇନ ପ୍ରବର୍ତ୍ତନ ଏବଂ ନାଗରିକ ପ୍ରଶାସନ କ୍ଷେତ୍ରରେ ସହାୟତା କରିବାକୁ ମୋଳିକ ଭିତ୍ତିଭୂମିରେ ଉନ୍ନତି ଆଣିବା ନମନ୍ତେ ଟ୍ରାଫିକ ପୋଲିସ ବିଭାଗ ସହିତ ସହଭାଗୀତା କରିବା ପରେ ଭୁବନେଶ୍ୱରେ ଅନୁରୂପ ପଦକ୍ଷେପ ହାତକୁ ନିଆଯାଇଛି ।
ଏହି ପ୍ରୟାସ ଜରିଆରେ ଏୟୁ ଏସ୍ଏଫବି ସହରାଞ୍ଚଳ, ଅର୍ଦ୍ଧ-ସହରାଞ୍ଚଳ ଏବଂ ଗ୍ରାମାଞ୍ଚଳରେ ନିରାପଦ ଏବଂ ଅଧିକ ସୁସଂହତ ସଡ଼କ ଗମନାଗମନ ବ୍ୟବସ୍ଥା ସୃଷ୍ଟି କରିବା ପ୍ରତିବଦ୍ଧତାକୁ ଦୋହରାଇଛି, ଯାହା ଏକ ଦାୟିତ୍ୱସମ୍ପନ୍ନ ଏବଂ ଗୋଷ୍ଠୀ-କୈନ୍ଦ୍ରିକ ସଂସ୍ଥା ଭାବରେ ପ୍ରତିଷ୍ଠିତ ହେବା ଦିଗରେ ନିଜର ବିଶ୍ୱାସକୁ ପୁନଃଦୃଢୀଭୂତ କରୁଛି ।
ଏହାର ସିଏସ୍ଆର ଶାଖା ଏୟୁ ଫାଉଣ୍ଡେସନ୍ ନିରନ୍ତର ଭାବରେ ତିନିଟି ପ୍ରମୁଖ କ୍ଷେତ୍ର ଉପରେ ଦୃଷ୍ଟିନିବଦ୍ଧ କରିଆସୁଛି: ସେଗୁଡିକ ହେଉଛି- ଦକ୍ଷତାର ବିକାଶ ଏବଂ ନିଯୁକ୍ତି ସହାୟତା, ତୃଣମୂଳ ସ୍ତରରେ କ୍ରୀଡାର ବିକାଶ ଏବଂ ମହିଳା ସଶକ୍ତିକରଣ । ଏୟୁ ଇଗ୍ନାଇଟ ୧୬ଟି ଏକାଡେମିରେ ୨୯,୫୦୦ରୁ ଅଧିକ ଯୁବଗୋଷ୍ଠୀଙ୍କୁ ତାଲିମ ପ୍ରଦାନ କରିଛି ଏବଂ ୨୨,୦୦୦ରୁ ଅଧିକ ଚାକିରୀରେ ନିଯୁକ୍ତି ପ୍ରଦାନ ସଫଳତା ହାସଲ କରିଛି । ବନୋ ଚାମ୍ପିଅନ୍ ପ୍ରୋଗ୍ରାମ ରାଜସ୍ଥାନରେ ୬୦ରୁ ଅଧିକ ସ୍ଥାନରେ ୯୦ ଜଣ କୋଚ୍ଙ୍କୁ ନେଇ ପିଲାମାନଙ୍କୁ କ୍ରୀଡା ତାଲିମ ପ୍ରଦାନ ଜରିଆରେ ୮,୦୦୦ରୁ ଅଧିକ ଗ୍ରାମୀଣ ପିଲାଙ୍କ ଜୀବନକୁ ପ୍ରଭାବିତ କରିଛି । ଏୟୁ ଉଦ୍ୟୋଗିନୀ ରାଜସ୍ଥାନ ଓ ମଧ୍ୟପ୍ରଦେଶର ୩୩ଟି ଜିଲ୍ଲାରେ ୪,୦୦୦ରୁ ଅଧିକ ମହିଳାଙ୍କୁ ସଶକ୍ତ କରିଛି । ଏଥିସହିତ ଏୟୁ କର୍ତ୍ତବ୍ୟ ସ୍ୱାସ୍ଥ୍ୟସେବା, ଶିକ୍ଷା, ପରିବେଶ ଏବଂ ଗୋଷ୍ଠୀ ବିକାଶ ସମେତ ବହୁବିଧ ସାମାଜିକ ଆବଶ୍ୟକତା ପ୍ରତି ଦୃଷ୍ଟି ଦେଉଛି ।
Powered by Froala Editor
