ମିଜୋରାମ ମୁଖ୍ୟମନ୍ତ୍ରୀ ଜୋରାମଥାଙ୍ଗାଙ୍କ ଝିଅ ଜଣେ ଡାକ୍ତଙ୍କରଙ୍କୁ ଚାପୁଡ଼ା ମାରୁଥିବାର ଏକ ଭିଡିଓ ଭାଇରାଲ ହୋଇଛି। ଘଟଣାର ଗୋଟିଏ ଦିନ ପରେ ମୁଖ୍ୟମନ୍ତ୍ରୀ ସର୍ବସାଧାରଣରେ କ୍ଷମା ମାଗିଛନ୍ତି। ରାଜ୍ୟ ରାଜଧାନୀ ଆଇଜଲରେ ଥିବା ଏକ କ୍ଲିନିକରେ ଏହି ଘଟଣା ଘଟିଥିଲା। ଚର୍ମ ରୋଗ ବିଶେଷଙ୍କୁ ଦେଖାଇବାକୁ ଆସିଥିଲେ ମୁଖ୍ୟମନ୍ତ୍ରୀଙ୍କ ଝିଅ। ବିନା ଆପଏଣ୍ଟମେଣ୍ଟରେ ସେ ତାଙ୍କ ସ୍ୱାସ୍ଥ୍ୟ ପରୀକ୍ଷା କରିବେ ନାହିଁ ବୋଲି ଡାକ୍ତର ଜଣକ କହିଥିଲେ। ଏଥିରେ ମୁଖମନ୍ତ୍ରୀଙ୍କ ଝିଅ କ୍ଷୁବ୍ଧ ହୋଇ ଡାକ୍ତରଙ୍କୁ ବାଡ଼େଇ ଥିଲେ। ଏହି ସମୟରେ ସେଠାରେ ଥିବା କିଛି ଲୋକେ ତାଙ୍କୁ ଅଟକାଉଥିବା ଭିଡିଓରେ ଦେଖିବାକୁ ମିଳିଛି।

ଘଟଣାର ଗୋଟିଏ ଦିନ ପରେ ମୁଖ୍ୟମନ୍ତ୍ରୀ ସର୍ବସାଧାରଣରେ କ୍ଷମା ମାଗିଛନ୍ତି। ସେ ତାଙ୍କ ଅଫିସିଆଲ ଇନଷ୍ଟାଗ୍ରାମ ଆକାଉଣ୍ଟରେ କହିଛନ୍ତି ଯେ, ସେ ତାଙ୍କ ଝିଅର ଏହି ଆଚରଣକୁ କୌଣସି ପ୍ରକାରେ ସଠିକ କହିପାରିବେ ନାହିଁ। ଝିଅ ଡାକ୍ତରଙ୍କ ନିକଟକୁ ଯାଇ ତାଙ୍କୁ କ୍ଷମା ମାଗିଛନ୍ତି। ମୁଁ ମଧ୍ୟ ଜନସାଧାରଣ ଏବଂ ଡାକ୍ତରଙ୍କୁ କ୍ଷମା ପ୍ରାର୍ଥନା କରୁଛି। ମୁଖ୍ୟମନ୍ତ୍ରୀଙ୍କ ପୁଅ ମଧ୍ୟ ସୋସିଆଲ ମିଡିଆରେ ଭଉଣୀଙ୍କ ତରଫରୁ କ୍ଷମା ମାଗି କହିଛନ୍ତି, ମାନସିକ ଚାପ ହେତୁ ତାଙ୍କ ଭଉଣୀ ଏଭଳି କାମ କରିଦେଇଛନ୍ତି।

ଏହି ଘଟଣା ବୁଧବାର ଦିନ ଘଟିଛି। ଘଣାକୁ ନେଇ ଇଣ୍ଡିଆନ୍ ମେଡିକାଲ୍ ଆସୋସିଏସନ୍ (ଆଇଏମ୍ଏ) ର ମିଜୋରାମ ୟୁନିଟ୍ କଡ଼ା ନିନ୍ଦା କରିବା ସହ ଗତକାଲି ଡାକ୍ତରମାନେ କଳା ବ୍ୟାଜ୍ ପିନ୍ଧିଥିଲେ। ଶେଷରେ ମୁଖ୍ୟମନ୍ତ୍ରୀ ତାଙ୍କ ଅଫିସିଆଲ୍ ଇନଷ୍ଟାଗ୍ରାମ ହ୍ୟାଣ୍ଡେଲ ମାଧ୍ୟମରେ ଜନସାଧାରଣଙ୍କ ନିକଟରେ କ୍ଷମା ପ୍ରାର୍ଥନା କରିଥିଲେ।

Powered by Froala Editor