ତରବରରେ ଭାତ ଖାଉଥିଲେ, ତଣ୍ଟିରେ ଲାଗିଗଲା ଆମ୍ବ ଟାକୁଆ
ଭୋକରେ ବିକଳ ହୋଇ ତରବରିଆ ଖାଉଥିଲେ ଭାତ । କିନ୍ତୁ ତଣ୍ଟିରେ ଲାଗିଗଲା ଆମ୍ବ ଟାକୁଆ । ସୂଚନା ମୁତାବକ ଢେଙ୍କାନାଳର ଶଙ୍କର୍ଷଣ ସାହୁ(୫୦) ଗତକାଲି ପଖାଳ ଖାଉ ଖାଉ ଭୁଲବଶତଃ ଆମ୍ବ ଟାକୁଆ ଖାଇଦେଇଥିଲେ । ଆଉ ଏହି ଟାକୁଆ ତାଙ୍କ ଖାଦ୍ୟନଳୀରେ ଫସିଯାଇଥିଲା । ଟାକୁଆ ଫସିଯିବା ପରେ ନା ଆଉ ଖାଇ ହେଲା ନା ପାଣି ଟୋପେ ପିଇହେଲା । ଏହାପରେ ତାଙ୍କର ଏକ୍ସରେ କରାଯାଇଥିଲା। ଏକ୍ସରେ କରାଯିବାରୁ ତଣ୍ଟିରେ ଟାକୁଆ ଫସି ରହିଥିବା ଜଣାପଡିଥିଲା । ଏହା ପରେ ତାଙ୍କୁ କଟକର ଏକ ମେଡିକାଲରେ ଭର୍ତ୍ତି କରାଯାଇଥିଲା ଓ ଡାକ୍ତରଙ୍କ ଉଦ୍ୟମ ପରେ ଏବେ ତାଙ୍କ ଜୀବନ ବଂଚିଯାଇଛି। ଫରେନ୍ ବଡି ରୀମୁଭାଲ ଫୋରସେପରେ ଏହି ଟାକୁଆକୁ କଢାଯାଇଥିଲା । ବର୍ତ୍ତମାନ ରୋଗୀଙ୍କ ଅବସ୍ଥା ସୁସ୍ଥ ଥିବାବେଳେ ସେ ଖାଦ୍ୟ ଖାଇପାରୁଛନ୍ତି ।
Powered by Froala Editor
