ଭୁବନେଶ୍ବର:  ବିଦ୍ୟାଳୟରେ ବିଦ୍ୟାର୍ଥୀ କିପରି ଏକ ସୁନ୍ଦର ପରିବେଶରେ ପାଠ ପଢିବେ ସେ ନେଇ ସେମାନଙ୍କ ସ୍କୁଲର ରୂପାନ୍ତରଣ ହେଉଛି ସ୍ମାର୍ଟ ହେଉଛି । ନୂଆ ରୂପରେ ନୂଆ ଚମକୁଛି ସେମାନଙ୍କ ବିଦ୍ୟାପୀଠ ।  ଆଜି  ୫ଟି ଜିଲ୍ଲାରେ ୪୧୬ଟି ହାଇସ୍କୁଲ ରୂପାନ୍ତରିତ ହେବ ।

ଭିସି ଜରିଆରେ ଲୋକାର୍ପିତ କରିବେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ।  ଆଜି ଲୋକାର୍ପିତ ହେବାକୁ ଥିବା ସ୍କୁଲଗୁଡିକ ହେଲା ଯାଜପୁର ୧୫୦ଟି ସ୍କୁଲ, ଗଜପତିର ୩୧ ସ୍କୁଲ, ସମ୍ବଲପୁର ୪୦ଟି ସ୍କୁଲ, ବଲାଙ୍ଗୀର ୧୦୦ଟି ସ୍କୁଲ, କୋରାପୁଟ ୯୫ଟି ସ୍କୁଲ । ପ୍ରକାଶ ଥାଉ କି, ଏହା ପୂର୍ବରୁ ଜୁନ ୮ ତାରିଖରେ ୫ ଜିଲ୍ଲାର ୪୪୫ ଟି ସ୍ମାର୍ଟସ୍କୁଲର ଲୋକାର୍ପଣ କରିଥିଲେ ମୁଖ୍ୟମନ୍ତ୍ରୀ । ବାଲେଶ୍ବର ଜିଲ୍ଲାର ୧୩୫ଟି ହାଇସ୍କୁଲ, ପୁରୀର ୯୫ଟି, ନୟାଗଡର ୬୦ଟି, ଜଗତସିଂହପୁରର ୭୫ଟି ଓ ଭଦ୍ରକର ୮୦ଟି ସ୍କୁଲ ଲୋକାର୍ପିତ ହୋଇଥିଲା ।

ସ୍କୁଲରେ ହିଁ ତିଆରି ହୁଅନ୍ତି ଦେଶର ଭବିଷ୍ୟତ । ପିଲାମାନେ ଆମ ଜନସଂଖ୍ୟାରେ ଏକ ତୃତୀୟାଂଶ ହେଲେ ବି ସେମାନେ ଆମର ପୁରା ଭବିଷ୍ୟତ । ସ୍କୁଲ ସମୟ ପିଲାମାନଙ୍କ ଜୀବନର ସବୁଠାରୁ ଗୁରୁତ୍ବପୂର୍ଣ୍ଣ ସମୟ । ଏ ସମୟରେ ପିଲାମାନଙ୍କୁ ସେମାନଙ୍କର ପ୍ରତିଭାର ବିକାଶ ପାଇଁ ସୁଯୋଗ ସୃଷ୍ଟି କରିବା ଲକ୍ଷ୍ୟରେ ପ୍ରଥମେ ସ୍କୁଲର ବିକାଶ କରାଯାଉଛି ।

Powered by Froala Editor