ଗୁଳି ବିନିମୟ: ୨ ଆତଙ୍କୀ ନିପାତ
ଶ୍ରୀନଗର: ଜମ୍ମୁ କାଶ୍ମୀର ଅବନ୍ତିପୋରାର ରାଜପୋରାରେ ସୁରକ୍ଷାକର୍ମୀ ଓ ଆତଙ୍କବାଦୀଙ୍କ ମଧ୍ୟରେ ଗୁଳି ବିନିମୟ ହୋଇଛି । ୨ ଆତଙ୍କୀଙ୍କୁ ନିପାତ କରିବାରେ ସଫଳ ହୋଇଛନ୍ତି ସୁରକ୍ଷାକର୍ମୀ । ସ୍ଥାନୀୟ ଅଞ୍ଚଳକୁ ଘେରାବନ୍ଦୀ କରି ସର୍ଚ୍ଚ ଅପରେସନ ଜାରି ରଖିଛନ୍ତି ସୁରକ୍ଷାକର୍ମୀ । ଏନେଇ କଶ୍ମୀର ଜୋନ ପୋଲିସ ପକ୍ଷରୁ ସୂଚନା ମିଳିଛି ।
ସ୍ଥାନୀୟ ଅଞ୍ଚଳରେ ଆତଙ୍କୀଙ୍କ ଉପସ୍ଥିତି ନେଇ ସୁରକ୍ଷାବାହିନୀଙ୍କୁ ସୂଚନା ମିଳିଥିଲା । ଏହାପରେ ପୂର୍ଣ୍ଣ ପ୍ରସ୍ତୁତି ସହ ସ୍ଥାନୀୟ ଅଞ୍ଚଳରେ ସର୍ଚ୍ଚ ଅପରସେନ ଆରମ୍ଭ କରିଥିଲା ସେନା । ଫଳରେ ସୁରକ୍ଷାକର୍ମୀ ଗୁଳିରେ ୨ ଜଣ ଆତଙ୍କୀଙ୍କ ମୃତ୍ୟୁ ହୋଇଥିବା କାଶ୍ମୀର ଜୋନ ପୋଲିସ ତରଫରୁ ସୂଚନା ପ୍ରଦାନ କରାଯାଇଛି । ବର୍ତ୍ତମାନ ସର୍ଚ୍ଚ ଅପରେସନ ଜାରି ରହିଛି । ନିହତ ଆତଙ୍କୀ ମଧ୍ୟରୁ ଜଣେ ତ୍ରାଲର ସାହିଦ ରାଥର ଏବଂ ସୋଫିଆନର ଉମର ୟୁସୁଫ । ସେମାନଙ୍କ ଅନେକ ଅପରାଧିକ କାର୍ୟ୍ୟରେ ସଂପୃକ୍ତି ଥିବା ସୂଚନା ଦେଇଛି କାଶ୍ମୀର ପୋଲିସ ।ପ୍ରକାଶ ଥାଉ କି, ଚଳିତ ମାସରେ ସୀମାରେ ୧୦ରୁ ଅଧିକ ଥର ଗୁଳି ବିନିମୟ ହୋଇଛି ଓ ୧୫ରୁ ଅଧିକ ଆତଙ୍କୀଙ୍କୁ ନିପାତ କରିବାରେ ସଫଳ ହୋଇଛି ସୁରକ୍ଷାବହିନୀ ।
Powered by Froala Editor