ପ୍ରକାଶ ପାଇଲା ସିଭିଲ ସର୍ଭିସ୍ ପରୀକ୍ଷା ଫଳ
ନୂଆଦିଲ୍ଲୀ : ୟୁପିଏସସି ପରୀକ୍ଷା ଫଳ ପ୍ରକାଶ ପାଇଛି । ୟୁପିଏସସିର ଅଫିସିଆଲ ୱେବସାଇଟରେ ପରୀକ୍ଷା ଫଳ ପ୍ରକାଶ ପାଇଛି । ଶ୍ରୁତି ଶର୍ମା ପରୀକ୍ଷାରେ ୧ ନମ୍ବର ସ୍ଥାନ ହାସଲ କରିଛି । ପ୍ରଥମ ଚାରିଟି ସ୍ଥାନରେ ଝିଅମାନେ ରହିଛନ୍ତି । ଷ୍ଟିଫେନ୍ସ କଲେଜ ଏବଂ ଜେଏନୟୂରେ ଶ୍ରୁତି ପଢୁଥିଲେ । ସିଭିଲ ସର୍ଭିସ ପରୀକ୍ଷାରେ ୬୮୫ ଜଣ କୃତକାର୍ଯ୍ୟ ହୋଇଛନ୍ତି । ୧୮୦ ଜଣ ଆଇଏଏସ, ୨୦୦ ଜଣ ଆଇପିଏସ, ୩୭ ଜଣ ଆଇଏଫଏସ ହୋଇଛନ୍ତି ।
ଓଡ଼ିଶାର ପରୀକ୍ଷାର୍ଥୀମାନେ ମଧ୍ୟ ସିଭିଲି ସର୍ଭିସରେ କୃତକାର୍ଯ୍ୟ ହୋଇଛନ୍ତି । ୬୩ର୍ୟାଙ୍କରେ ରହିଛନ୍ତି କାର୍ତିକ ପାଣିଗ୍ରାହୀ । ୮୬ ର୍ୟାଙ୍କରେ ରହିଛନ୍ତି ଗୈରବ କୁମାର ଅଗ୍ରୱାଲ । ୨୩୨ ର୍ୟାଙ୍କରେ ରହିଛନ୍ତି ବିଶ୍ୱ ବିଶ୍ରୁତ ତ୍ରିପାଠୀ । ଏହାଛଡ଼ା ୨୭୩ ର୍ୟାଙ୍କରେ ସମୀର କୁମାର ଜେନା ରହିଥିବା ଜଣାପଡ଼ିଛି । ସେହିପରି ୩୦୬ର୍ୟାଙ୍କରେ ରହିଛନ୍ତି ସୌମ୍ୟରଞ୍ଜନ ପ୍ରଧାନ । ଏହାଛଡ଼ା ହର୍ଷିତ ମେହେର ୩୭୬ ର୍ୟାଙ୍କରେ ଥିବାବେଳେ ୫୧୩ ର୍ୟାଙ୍କରେ ମାନସ ରଞ୍ଜନ ସାହୁ ରହିଛନ୍ତି । ୫୨ତମ ର୍ୟାଙ୍କରେ ଅଙ୍କୁର ଦାସ, ୨୦୫ ର୍ୟାଙ୍କରେ ଦୁର୍ଗାପ୍ରସାଦ ଅଧିକାରୀ, ୨୬୯ ର୍ୟାଙ୍କରେ ଅନୁପ ବର୍ଗ ରହିଛନ୍ତି ।
Powered by Froala Editor
