କାର୍ଗିଲରୁ ଶ୍ରୀନଗର ଯାଉଥିବା କ୍ୟାବ୍ ଓଲଟିଲା, ୯ ମୃତ
ଜମ୍ମୁ-କଶ୍ମୀରିର ଗାଣ୍ଡେରବାଲ ଜିଲ୍ଲାରେ ଏକ କ୍ୟାବ୍ ଘାଟି ତଳକୁ ଓଲଟି ଜଣେ ଯବାନଙ୍କ ସମେତ ୯ ଜଣ ଲୋକଙ୍କ ମୃତ୍ୟୁ ଘଟିଛି। ମଙ୍ଗଳବାର ଶ୍ରୀନଗର-ଲେହ ଜାତୀୟ ରାଜପଥରେ ଏହି ଦୁର୍ଘଟଣା ଘଟିଛି। ଘଟଣାସ୍ଥଳରୁ ୪ ଜଣଙ୍କ ମୃତ ଦେହ ଉଦ୍ଧାର କରାଯାଇଥିଲା । ୫ ଜଣଙ୍କୁ ଗୁରୁତର ଅବସ୍ଥାରେ ମେଡିକାଲ ପଠାଯାଇଥିଲା। କିନ୍ତୁ ସେଠାରେ ସେହି ୫ ଜଣଙ୍କର ମୃତ୍ୟୃ ଘଟିଛି। ମୃତକମାନେ ହେଲେ ଆଜାର ଇକବାଲ, ଅଙ୍କିତ୍ ଦିଲିପ୍, ଗାନ୍ଧି ମୁର୍ମୁ, ମଙ୍ଗଲ ମୁର୍ମୁ , ରଣଜିତ କୁମରର, ମହମ୍ମଦ ଆସଲଊମ୍, ନାଏବ ସବୁବଆଦାର ନାନକ ଚାନ୍ଦ, ଦିଲେଶ୍ୱା ସିଦ୍ଧାର ଏବଂ ସୁନଲା ଲାଲ। ଖବର ପାଇ ସ୍ଥାନୀୟ ଲୋକେ ଓ ପୁଲିସ ଟିମ୍ ପହଞ୍ଚି ଉଦ୍ଧାର କରିଥିଲେ। ଦୁର୍ଘଟଣାର କାରଣ ନେଇ ପୁଲିସ ତଦନ୍ତ ଚଳାଇଛି।
ସୂଚନା ଯେ, କ୍ୟାବଟି କାର୍ଗିଲରୁ ଶ୍ରୀନଗର ଅଭିମୁଖେ ଯାଉଥିବା ବେଳେ ଦୁର୍ଘଟଣାର ସମ୍ମୁଖୀନ ହୋଇଛି।
Powered by Froala Editor
