ଅଶାନ୍ତ ହୋଇପଡିଛି ପାକିସ୍ତାନ, ପିଟିଆଇ କର୍ମଚାରୀ ଏବଂ ପୋଲିସ ମଧ୍ୟରେ ସଂଘର୍ଷ
ଇସଲାମବାଦ: ଅଶାନ୍ତ ହୋଇପଡିଛି ପାକିସ୍ତାନ । ପୂର୍ବତନ ପ୍ରଧାନମନ୍ତ୍ରୀ ତଥା ତେହରିକ୍ ଏ ଇନସାଫ ଦଳର ନେତା ଇମ୍ରାନ ଖାନଙ୍କ ଲଂଗ୍ ମାର୍ଚ୍ଚକୁ ନେଇ ଉତ୍ତେଜନା ଦେଖାଦେଇଛି । ଅନେକ ସ୍ଥାନରେ ପିଟିଆଇ କର୍ମଚାରୀ ଏବଂ ପୋଲିସ ମଧ୍ୟରେ ସଂଘର୍ଷ ଘଟିଛି । ଅଗ୍ନିକାଣ୍ଡ ପରେ ପୋଲିସ ଲୁହାବୁହା ଗ୍ୟାସ ଛାଡ଼ିଥିବା ଜଣାପଡ଼ିଛି । ଦେଶରେ ସାଧାରଣ ନିର୍ବାଚନ କରିବାକୁ ଦାବି କରି ରାଲି କରୁଛନ୍ତି ପୂର୍ବତନ ପ୍ରଧାନମନ୍ତ୍ରୀ ଇମ୍ରାନ ଖାନ ।ତାଙ୍କ ସମର୍ଥକ ମାନେ ବିଭିନ୍ନ ସ୍ଥାନରେ ଆନ୍ଦୋଳନକୁ ଓହ୍ଲାଇବା ପାଇଁ ଆହ୍ବାନ ଦେଇଥିଲେ । ପିଟିଆଇ କର୍ମଚାରୀ ଓ ପୋଲିସଙ୍କ ମଧ୍ୟରେ ସଂଘର୍ଷ ହେବା ପରେ ଘଟିଛି ଏହି ହିଂସାକାଣ୍ଡ । ନୂଆ ନିର୍ବାଚନ ତାରିଖ ଘୋଷଣା ନ ହେବା ପର୍ୟ୍ୟନ୍ତ ଡି ଛକୁ ଖାଲି ନ କରିବା ପାଇଁ ଇମ୍ରାନ ତାଙ୍କ ସମର୍ଥକଙ୍କୁ ନିର୍ଦ୍ଦେଶ ଦେଇଥିଲେ । ପୋଲିସ ସେମାନଙ୍କୁ ବାରଣ କରିବା ପରେ ଏହି ହିଂସାକାଣ୍ଡ ଘଟିଛି ।
Powered by Froala Editor
