ଟଳିଲେ ୩ ଆତଙ୍କୀ
ଶ୍ରୀନଗର: ଜମ୍ମୁ କଶ୍ମୀର କୁପୱାରାରେ ଆତଙ୍କବାଦୀଙ୍କ ଅନୁପ୍ରବେଶକୁ ପଣ୍ଡ କରିଛନ୍ତି ସୁରକ୍ଷାକର୍ମୀ । ଆତଙ୍କବାଦୀଙ୍କ ଯୋଜନାକୁ ପଣ୍ଡ କରିବାକୁ କୁପୱାରରେ ସୁରକ୍ଷାକର୍ମୀ ଏନକାଉଣ୍ଟର କରିଥିଲେ । ସ୍ଥାନୀ ଅଞ୍ଚଳକୁ ଘେରାବନ୍ଦୀ କରି ସର୍ଚ୍ଚ ଅଫରେସନ ଚଳାଇଥିଲେ । ଏଥିରେ ୩ ଆତଙ୍କବାଦୀଙ୍କୁ ନିପାତ କରିବାରେ ସଫଳ ହୋଇଛି ସୁରକ୍ଷାବାହିନୀ । ସମସ୍ତ ନିହତ ଆତଙ୍କବାଦୀ ଲସ୍କର ଇ ତୋଏବା ସଂଗଠନର ସଦସ୍ୟ ବୋଲି ଜଣାପଡିଛି ।
ଆତଙ୍କବାଦୀଙ୍କ ଉପସ୍ଥିତି ନେଇ ଖବର ପାଇଥିଲା ସୁରକ୍ଷାକର୍ମୀ । ଏହାପରେ ସୁରକ୍ଷାକର୍ମୀ ଓ ଜମ୍ମୁ କାଶ୍ମୀର ପୋଲିସର ମିଳିତ ଅପରେସନ ଆରମ୍ଭ ହୋଇଥିଲା । ଘମାଘୋଟ ଗୁଳି ବିନିମୟ ହୋଇଥିଲା । ଦୀର୍ଘ ୨ ଘଣ୍ଟା ଗୁଳିି ବିନିମୟ ପରେ ୩ ଜଣ ଆତଙ୍କୀଙ୍କୁ ନିପାତ କରିବାରେ ସଫଳ ହୋଇଛି ସୁରକ୍ଷାବାହିନୀ । ସେମାନଙ୍କ ପରିଚୟ ମିଳିନାହିଁ । ଆତଙ୍କୀଙ୍କ ପାଖରୁ ଗୁଳିଗୋଳା, ଅସ୍ତ୍ରଶସ୍ତ୍ର ଜବତ ହୋଇଥିବା ସୂଚନା ଦେଇଛନ୍ତି କାଶ୍ମୀର ଆଜିିପି ।
Powered by Froala Editor
