ଟ୍ରକ ଧକ୍କାରେ ୨ ଭାଇ ମୃତ
ଫୁଲବାଣୀ: ଘରକୁ ଫେରୁଥିବା ସମୟରେ ଧକ୍କା ଦେଲା ଟ୍ରକ । ଦୁର୍ଘଟଣାରେ ୨ ଭାଇ ମୃତ ଓ ମାଆ ଗୁରୁତର । କନ୍ଧମାଳ ଜିଲ୍ଲା ଫିରିଙ୍ଗିଆ ଥାନା ଅନ୍ତର୍ଗତ ଡିଣ୍ଡିରାଗାଁ ନିକଟସ୍ଥ ଆଦର୍ଶ ବିଦ୍ୟାଳୟ ସମ୍ମୁଖରେ ଏହି ମର୍ମନ୍ତୁଦ ଦୁର୍ଘଟଣା ଘଟିଛି । ଏକ ବାଇକ ଯୋଗେ ମାଆ ଓ ଦୁଇ ପୁଅ ମିଶି ଫୁଲବାଣୀରୁ ନିଜ ଘରକୁ ଫେରୁଥିବା ବେଳେ ସାମ୍ନାପଟୁ ଏକ ଟ୍ରକ ସେମାନଙ୍କୁ ଧକ୍କା ଦେଇଥିଲା ।
ଗୁରୁତର ଅବସ୍ଥାରେ ମାଆକୁ ପ୍ରଥମେ ଫିରିଙ୍ଗିଆ ପରେ ଫୁଲବାଣୀ ସ୍ଥିତ ଜିଲ୍ଲା ମୁଖ୍ୟ ଚିକିତ୍ସାଳୟରେ ଭର୍ତ୍ତି କରାଯାଇଛି । ଦୁର୍ଘଟଣାରେ ମୃତ ଦୁଇ ଭାଇ ହେଲେ ଫିରିଙ୍ଗିଆ ବ୍ଲକ ଯାଯେସପାଙ୍ଗା ପଞ୍ଚାୟତ ଦାମିଙ୍ଗିଆ ଗ୍ରାମର ପ୍ରଶାନ୍ତ ଦିଗାଳଙ୍କ ପୁଅ ଚନ୍ଦନ(୧୫) ଓ ଆୟୂଷ(୪) । ଗୁରୁତର ହେଲେ ମହିଳାଙ୍କ ନାମ ଜ୍ୟୋତ୍ସା ଦିଗାଲ । ମିଳିଥିବା ସୂଚନା ଅନୁସାରେ, ପ୍ରଶାନ୍ତଙ୍କ ବଡ଼ ପୁଅ ଚନ୍ଦନ ଏକ ବାଇକରେ ସାନ ଭାଇ ଆୟୂଷ ଓ ମାଆଙ୍କୁ ଧରି ଫୁଲବାଣୀ ମେଡ଼ିକାଲକୁ ଯାଇଥିଲେ । ସେଠାରେ ନିଜ ଜେଜେମାଆଙ୍କୁ ଦେଖି ଘରକୁ ଫେରୁଥିଲେ । ହେଲେ ଡିଣ୍ଡିରାଗାଁ ନିକଟସ୍ଥ ଆଦର୍ଶ ବିଦ୍ୟାଳୟ ନିକଟରେ ସାମ୍ନାପଟୁ ଦ୍ରୁତ ଗତିରେ ଆସୁଥିବା ଏକ ଟ୍ରକ ତାଙ୍କୁ ଧକ୍କା ଦେଇଥିଲା । ଘଟଣାସ୍ଥଳରେ ହିଁ ଦୁଇ ଭାଇଙ୍କ ଜୀବନ ଚାଲି ଯାଇଥିଲା ।
Powered by Froala Editor
