ପୁଣି କରୋନା ଚିନ୍ତା, ଆଜି ଦେଶରେ ୩୩୨୪ କରୋନା ପଜିଟିଭ୍
ନୂଆଦିଲ୍ଲୀ : ଦେଶରେ ପୁଣି କରୋନା ସଂକ୍ରମିତଙ୍କ ସଂଖ୍ୟା ହୁ ହୁ ହୋଇ ବୃଦ୍ଧି ପାଇବାରେ ଲାଗିଛି । ଗତ ୨୪ ଘଣ୍ଟାରେ ଦେଶରେ ୩୩୨୪ ଜଣ ସଂକ୍ରମିତ ଚିହ୍ନଟ ହୋଇଛନ୍ତି । ଏହା ଗତକାଲି ତୁଳନାରେ ୯.୯ ପ୍ରତିଶତ କମ ବୋଲି କୁହାଯାଇଛି ।
ଦେଶରେ ୫ ଟି ରାଜ୍ୟରୁ ସର୍ବାଧିକ ସଂକ୍ରମିତ ଚିହ୍ନଟ ହୋଇଛନ୍ତି । ଏସବୁ ଭିତରେ ଦେଶରେ ପୁଣି କରୋନା ଆକ୍ଟିଭ ମାମଲା ୧୯,୦୯୨ କୁ ବୃଦ୍ଧି ପାଇଛି । ଗତକାଲି ସ୍ୱାସ୍ଥ୍ୟ ମନ୍ତ୍ରଣାଳୟର ସୂଚନା ମୁତାବକ ଦେଶରେ ୩୬୮୮ ଜଣ ସଂକ୍ରମିତ ଚିହ୍ନଟ ହୋଇଥିଲେ ।
ଦିଲ୍ଲୀରେ ସର୍ବାଧିକ ୧୫୨୦, ହରିଆଣାରେ ୪୯୦, କେରଳ ୩୩୭, ଉତ୍ତର ପ୍ରଦେଶ ୨୭୫ ଓ ମହାରାଷ୍ଟ୍ରରୁ ୧୫୫ ଜଣ ସଂକ୍ରମିତ ଚିହ୍ନଟ ହୋଇଛନ୍ତି । ସେପଟେ ଗତ ୨୪ ଘଂଟା ମଧ୍ୟରେ ଦେଶରେ କରୋନା ୪୦ ଜଣଙ୍କ ଜୀବନ ନେଇଛି । ଏହାକୁ ମିଶାଇ ଦେଶରେ ମୋଟ କରୋନା ସଂକ୍ରମିତ ଜନିତ ମୃତୁ୍ୟ ସଂଖ୍ୟା ୫,୨୩,୮୪୩ କୁ ବୃଦ୍ଧି ପାଇଛି ।
ବଢୁଥିବା କରୋନା ସଂକ୍ରମଣକୁ ଦୃଷ୍ଟିରେ ରଖି ପ୍ରଧାନମନ୍ତ୍ରୀ ଏକ ଉଚ୍ଚସ୍ତରୀୟ ବୈଠକ କରିସାରିଛନ୍ତି । ଏହାସହ କିଛି ରାଜ୍ୟ ସରକାର ସେମାନଙ୍କ ରାଜ୍ୟରେ ପୁଣିଥରେ କରୋନା କଟକଣାକୁ କଡାକଡି କରିବା ଆରମ୍ଭ କରିଦେଇଛନ୍ତି ।
Powered by Froala Editor
