ଚାର୍ଜରେ ବସିଥିବାବେଳେ ଫାଟିଲା ଇଭି ସ୍କୁଟର ବ୍ୟାଟେରୀ : ବୃଦ୍ଧ ମୃତ, ୨ ଗୁରୁତର
ତେଲେଙ୍ଗାନା ନିଜାମାବାଦରେ ଏକ ଇଭି ସ୍କୁଟର ବିସ୍ଫୋରଣ ଘଟି ଜଣଙ୍କ ମୃତ୍ୟୁ ହୋଇଥିବା ବେଳେ ୨ ଜଣ ଗୁରୁତର ଅଛନ୍ତି । ମୃତକ ଜଣଙ୍କ ୮୦ ବର୍ଷର ବୃଦ୍ଧ ବୋଲି ଜଣାପଡିଛି । ତେବେ ପୋଲିସ ବାଇକ ନିର୍ମାତା ପିୟୋର ଇଭି ବିରୋଧରେ ଏତଲା ଦାଏର କରି ତଦନ୍ତ ଆରମ୍ଭ କରିଛି ।
ସୂଚନାନୁସାରେ, ନିଜାମାବାଦର ସୁଭାଷ ନଗରରେ ରୁହନ୍ତି ବି ରାମାସ୍ୱାମୀ । ତାଙ୍କ ପୁଅ ପ୍ରକାଶ ଏକ ଇଲେକ୍ଟ୍ରିକ୍ ବାଇକ୍ କିଣିଥିଲେ । ତେବେ ମଙ୍ଗଳବାର ରାତିରେ ସେ ବାଇକର ବ୍ୟାଟେରୀ ବାହାର କରି ଚାର୍ଜରେ ବସାଇଥିଲେ । କିନ୍ତୁ ହଠାତ ବ୍ୟାଟେରୀରେ ବିସ୍ଫୋରଣ ଘଟିଥିଲା । ଏଥିରେ ରାମାସ୍ୱାମୀ ପ୍ରାଣ ହରାଇଥିବା ବେଳେ ପ୍ରକାଶଙ୍କ ପତ୍ନୀ ଓ ପୁଅ ଗୁରୁତର ହୋଇଥିଲେ । ଗୁରୁତରଙ୍କୁ ସ୍ଥାନୀୟ ହସ୍ପିଟାଲରେ ଭର୍ତ୍ତି କରାଯାଇଛି । ଇଭି ବାଇକ ନିର୍ମାତା ବାଇକ ନିର୍ମାଣ ବେଳେ ସମସ୍ତ ମାପଦଣ୍ଡ ପୂରଣ କରିନଥିବା ପ୍ରକାଶ ଅଭିଯୋଗ କରିଛନ୍ତି ।
Powered by Froala Editor
