ଅଭିଶପ୍ତ ‘ଉପହାର ହଲ୍’ : ପୁଣି ଲାଗିଲା ନିଆଁ
ଦିଲ୍ଲୀର ଉପହାର ସିନେମା ହଲ୍ରେ ପୁଣିଥରେ ଅଗ୍ନିକାଣ୍ଡ ଘଟିଛି। ରବିବାର ସକାଳେ ଗ୍ରୀନ୍ ପାର୍କ ମେଟ୍ରୋ ଷ୍ଟେସନ ନିକଟରେ ଥିବା ଏକ ବିଲ୍ଡିଂରେ ନିଆଁ ଲାଗିଥିବା ନେଇ ଅଗ୍ନିଶମ ବିଭାଗକୁ ଖବର ମିଳିଥିଲା। ଟିମ୍ ସେଠାରେ ପହଞ୍ଚିବା ପରେ ଉପହାର ସିନେମା ହଲରେ ନିଆଁ ଲାଗିଥିବା ନେଇ ଦେଖିବାକୁ ମିଳିଥିଲା। ତେବେ କେଉଁ କାରଣରୁ ଏହି ଅଗ୍ନିକାଣ୍ଡ ଘଟିଥିଲା ସେ ନେଇ କିଛି ସୂଚନା ମିଳିନାହିଁ। ସର୍ଟ ସର୍କିଟ୍ ଯୋଗୁଁ ନିଆଁ ଲାଗିଥାଇପାରେ ବୋଲି ସନ୍ଦେହ କରାଯାଉଛି। ୫ଟି ଦମକଳ ଗାଡି ଘଟଣାସ୍ଥଳରେ ପହଞ୍ଚି ନିଆଁକୁ ଆୟତ୍ତ କରୁଛନ୍ତି।
ପୂର୍ବରୁ ମଧ୍ୟ ୧୯୯୭ ମସିହାରେ ଏହି ସିନେମା ହଲରେ ଅଗ୍ନିକାଣ୍ଡ ଘଟିଥିଲା। ନିଆଁ ଲାଗି ୫୯ ଜଣଙ୍କର ମୃତ୍ୟୁ ଘଟିଥିଲା ଏବଂ ୧୦୦ରୁ ଅଧିକ ଲୋକ ଆହତ ହୋଇଥିଲେ।
Powered by Froala Editor
