ଭୁବନେଶ୍ୱର : ଆଜି ବିଧାନସଭାରେ ୨୦୨୨-୨୩ ଆର୍ଥିକ ବର୍ଷ ପାଇଁ କାମଚଳା ବଜେଟ ଆଗତ କରାଯିବ  । ନିର୍ବାଚନ ଓ ଅନ୍ୟ କାରଣରୁ ବଜେଟ ପ୍ରସ୍ତୁତି ବିଳମ୍ବିତ ହୋଇଛି  । ଆଗାମୀ ଆର୍ଥିକ ବର୍ଷ ପାଇଁ ୨ ଲକ୍ଷ କୋଟିର ବଜେଟ ହୋଇଥିବାବେଳେ ଆଜି ଅର୍ଥମନ୍ତ୍ରୀ ନିରଞ୍ଜନ ପୂଜାରୀ କାମଚଳା ବଜେଟ ଆଗତ କରିବେ  । ଅର୍ଥମନ୍ତ୍ରୀ ନିରଞ୍ଜନ ପୂଜାରୀ ୧ ଲକ୍ଷ ୬ ହଜାର ୪୯୭ କୋଟି ଟଙ୍କାର ବଜେଟ ଆଗଟ କରିବେ  । ଆସନ୍ତାକାଲି ବଜେଟ ପାଶ କରାଯିବ  ।

ବିଧାନସଭାର ସ୍ୱଳ୍ପ ଅବଧିର ବଜେଟ ଅଧିବେଶନ ଆସନ୍ତାକାଲି ଶେଷ ହେବ  । ମାତ୍ର ୬ ଦିନ ପାଇଁ ଅଧିବେଶନ ଆହୂତ ହୋଇଥିଲା  । ଅପ୍ରେଲ ପହିଲାରୁ ନୂତନ ଆର୍ଥିକ ବର୍ଷ ଆରମ୍ଭ ହେଉଛି  । ତେଣୁ ସରକାରୀ ଖର୍ଚ୍ଚ, ଯୋଜନା ଖର୍ଚ୍ଚ ଆଦି ତୁଲାଇବା ପାଇଁ ବଜେଟ ଆଗତ କରିବା ଅନିବାର୍ଯ୍ୟ ଥିଲା  । 

ବଜେଟ ଆଗତ କରିବା ପୂର୍ବରୁ ଅର୍ଥମନ୍ତ୍ରୀ ନିରଞ୍ଜନ ପୂଜାରୀ, ମନ୍ତ୍ରୀ ପ୍ରତାପ ଜେନା, ମନ୍ତ୍ରୀ ଜଗନ୍ନାଥ ସାରକା, ମନ୍ତ୍ରୀ ବିକ୍ରମ କେଶରୀ ଆରୁଖ, ମନ୍ତ୍ରୀ ଅରୁଣ କୁମାର ସାହୁ ନିଜ ନିଜ ବିଭାଗର କାଗଜ ଓ ରିପୋର୍ଟ ଉପସ୍ଥାପନ କରିବେ  ।

କାମଚଳା ବଜେଟ ହୋଇଥିଲେବି ସରକାରଙ୍କ ଆଭିମୁଖ୍ୟ ଏଥିରୁ ସ୍ପଷ୍ଟ ହୋଇପାରିବ  । ସରକାର କି କି ଯୋଜନାରେ କେତେ ବ୍ୟୟବରାଦ କରିବାକୁ ଯାଉଛନ୍ତି ସେନେଇ ସମସ୍ତଙ୍କ ମନରେ ଉତ୍ସାହ ପରିଲକ୍ଷିତ ହୋଇଛି  ।

Powered by Froala Editor