ଭୁବନେଶ୍ୱର: ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କ ପାଇଁ ଧନ୍ୟବାଦ ପ୍ରସ୍ତାବ ଆଗତ ପାଇଁ ଆଜି ବିଧାନସଭାରେ ଦାବି କରାଯାଇଛି । ବିଜେପି ବିଧାୟକମାନଙ୍କ ପକ୍ଷରୁ ଏଭଳି ଦାବି ହୋଇଛି ।  ପିଏମ ଅନ୍ନ ଯୋଜନା ଅବଧି ବୃଦ୍ଧି କରିଥିବାରୁ ମୋଦୀଙ୍କ ପାଇଁ ଧନ୍ୟବାଦ ପ୍ରସ୍ତାବ ଆଗତ ପାଇଁ ଦାବି ହୋଇଛି ।  ଏନେଇ ସମସ୍ତ ବିଜେପି ବିଧାୟକ  ବାଚସ୍ପତି ସୂର୍ଯ୍ୟନାରାୟଣ ପାତ୍ରଙ୍କୁ ଚିଠି ଲେଖିଛନ୍ତି ।
ପ୍ରକାଶ ଯେ,
ପ୍ରଧାନମନ୍ତ୍ରୀ ନରେନ୍ଦ୍ର  ମୋଦୀ  ଏକ ବଡ଼ ନିଷ୍ପତି ନେଇଛନ୍ତି  । ପ୍ରଧାନମନ୍ତ୍ରୀ ଗରିବ କଲ୍ୟାଣ ଅନ୍ନ ଯୋଜନାକୁ ଆଉ ୬ ମାସ ବୃଦ୍ଧି କରାଯାଇଛି  । ଅର୍ଥାତ ରାସନ କାର୍ଡଧାରୀମାନଙ୍କୁ ଆଉ ୬ ମାସ ମାଗଣାରେ ରାସନ ମିଳିବ  । ପ୍ରଧାନମନ୍ତ୍ରୀଙ୍କ ଅଧ୍ୟକ୍ଷତାରେ ଅନୁଷ୍ଠିତ କେନ୍ଦ୍ର କ୍ୟାବିନେଟ ବୈଠକରେ ଏହି ପ୍ରସ୍ତାବକୁ ଅନୁମୋଦନ କରାଯାଇଛି  ।

କରୋନା ପାଇଁ ଲୋକମାନଙ୍କର ଆର୍ଥିକ ସ୍ଥିତି ଦୋହଲି ଯାଇଥିଲା  । ଏହାକୁ ଆଖି ଆଗରେ ରଖି ପ୍ରଧାନମନ୍ତ୍ରୀ ଗରିବ କଲ୍ୟାଣ ଯୋଜନା ଆରମ୍ଭ ହୋଇଥିଲା  । ୨୦୨୦ ମାର୍ଚ୍ଚରେ ଏହି ଯୋଜନା ଆରମ୍ଭ ହୋେଇଥିଲା  । ପ୍ରଥମେ ଏହା ୨୦୨୦ ଅପ୍ରେଲରୁ ଜୁନ ପାଇଁ ଘୋଷଣା ହୋଇଥିଲା  । କିନ୍ତୁ ପରେପରେ ବିଭିନ୍ନ ଦଫାରେ ତାହା ବୃଦ୍ଧି ପାଇଥିଲା  । ଏବେ ସେପ୍ଟେମ୍ବର ପର୍ୟ୍ୟନ୍ତ ରାସନ କାର୍ଡଧାରୀମାନଙ୍କୁ ମାଗଣାରେ ୫ କେଜି ଚାଉଳ ବା ଗହମ ପାଇପାରିବେ  ।
ଏନଏଫଏସଏର ୮୦ କୋଟି ହିତାଧିକାରୀଙ୍କୁ ଏହା ମିଳିବ  । ସେହିପରି ସେମାନଙ୍କୁ ଏହାବ୍ୟତୀତ ରିହାତି ଯୁକ୍ତ ଯୋଗାଣ ସାମଗ୍ରୀ ମଧ୍ୟ ମିଳିବ  । ଅର୍ଥାତ ଲୋକମାନେ ରିହାତିରେ ୫ କେଜି ଓ ମାଗଣାରେ ମୁଣ୍ଡପିଛା ୫ କେଜି ଚାଉଳ ପାଇପାରିବେ  ।

Powered by Froala Editor