ନୂଆଦିଲ୍ଲୀ: ଯୁଦ୍ଧ ୧୨ଦିନରେ ପହଞ୍ଚିଥିଲେ ମଧ୍ୟ ଥମିବାର ନାଁ ଧରୁନି । ରକ୍ତମୁଖା ହୋଇ ଆକ୍ରମଣ କରୁଛି ରୁଷ୍ । ଘନ ଘନ ରକେଟ ଓ ମିସାଇଲ ମାଡରେ ଥରି ଉଠୁଛି ୟୁକ୍ରେନ ମାଟି । ପୂର୍ବରୁ କେବଳ ସାମରିକ ପ୍ରତିଷ୍ଠାନକୁ ଟାର୍ଗେଟ କରୁଥିବା ରୁଷ ସେନା ନିଶାନାରେ ଏବେ ସାଧାରଣ ନାଗରିକ ଶିକାର ହେଉଛନ୍ତି । ଭୟଙ୍କର ମିସାଇଲ ମାଡରେ ନିମିଷକ ମଧ୍ୟରେ ବଡ ବଡ ଅଟ୍ଟାଳିକା ଟଳି ପଡୁଛି । ଗତକାଲି ରୁଷ ପକ୍ଷରୁ ଏକ ଆବାସିକ ଘର ଉପରେ ମିସାଇଲ ମାଡ କରାଯାଇଥିଲା । ଏଥିରେ ୨ ଜଣ ସାଧାରଣ ନାଗରିକଙ୍କ ମୃତୁ୍ୟ ଘଟିଛି । ୟୁକ୍ରେନ ପକ୍ଷରୁ ଏହି ସୂଚନା ଦିଆଯାଇଛି । ୟୁକ୍ରେନର କ୍ରାମାଟୋରସ୍କରେ ଏହି ଆକ୍ରମଣ କରାଯାଇଛି ।
ସାମରିକ ଆକ୍ରମଣରେ ଥରହର ୟୁକ୍ରେନ ସାଇବର ଆଟାକର ମଧ୍ୟ ଶିକାର ହୋଇଛି । ଗତ ଫେବୃଆରୀ ମାସଠାରୁ ୟୁକ୍ରେନ୍ର ୨୮୦୦ ସାବଇବର ଆଟାକ ହୋଇଛି। ଫଳରେ ୟୁକ୍ରେନର ଅନେକ ସଂଶାଧନ ପ୍ରଭାବିତ ହୋଇଛି । ତେବେ କିଭ୍ରୁ ୬୪ କିଲୋମିଟର ଦୂରରେ ରୁଷ ସେନା ଅଟକି ରହିଛି ।
ଅନ୍ୟପଟେ

ଏକ ବଡ ଖବର ସାମ୍ନାକୁ ଆସିଛି । ପୁଣି ୪ସହର ପାଇଁ ସାମୟିକ ଯୁଦ୍ଧ ବିରତି ଘୋଷଣା କରିଛି ଋଷିଆ । କ୍ୱିଭ, ସୁମି, ମାରିଓପଲ, ଖାରକିଭ୍ରେ ଯୁଦ୍ଧ ବିରତି ଘୋଷଣା ହୋଇଛି । ଭାରତୀୟ ସମୟ ଅନୁସାରେ ୧୨ଟା୩୦ରୁ ଯୁଦ୍ଧ ବିରତି ଘୋଷଣା କରାଯାଇଛି । ଫସିଥିବା ଲୋକଙ୍କୁ ଉଦ୍ଧାର ପାଇଁ ଋଷିଆର ଯୁଦ୍ଧ ବିରତି ଘୋଷଣା ହୋଇଥିବା କୁହାଯାଇଛି ।

ଯୁଦ୍ଧର ଦଶମ ଦିନରେ ଋଷିଆ ୬ଘଣ୍ଟା  ପାଇଁ ଅସ୍ତ୍ରବିରତି ଘୋଷଣା କରିଥିଲା । ଏହି ସମୟ ମଧ୍ୟରେ ପ୍ରବାସୀ ଛାତ୍ର, ବୟସ୍କ ନାଗରିକ, ଗର୍ଭବତୀ ମହିଳା ଓ ଛୋଟ ପିଲାମାନଙ୍କୁ ଉଦ୍ଧାର କରାଯାଇଥିଲା ।

Powered by Froala Editor