ବାଣ ତିଆରି ବେଳେ ବିସ୍ଫୋରଣ, ୭ ମୃତ
ବିହାର: ମୃତୁ୍ୟ କାହାକୁ କେତେବେଳେ ଅପେକ୍ଷା କରିଥାଏ ତାହା କହି ହେବନି । ମୃତୁ୍ୟ ଦେଖେନି ବୟସ । ଅନେକ ସମୟରେ ମଣିଷର ସାମାନ୍ୟ ଭୁଲ ଯୋଗୁ ବହୁ ମୂଲ୍ୟ ଦେବାକୁ ପଡିଥାଏ । ଏମିତିକି ଅକାଳରେ ଚାଲିଯାଏ ଅନେକ ଜୀବନ ।
ଆଜି ବାଣ ତିଆରି ବେଳେ ଏକ ଭୟଙ୍କର ବିସ୍ଫୋରଣ ଘଟିଛି । ଏହି ବିସ୍ଫୋରଣରେ ୭ଜଣଙ୍କ ଜୀବନ ଚାଲିଯାଇଛି । ଏଭଳି ଅଭାବନୀୟ ଘଟଣା ଦେଖିବାକୁ ମିଳିଛି ବିହାରର ଭାଗଲପୁର ଜିଲ୍ଲା ତତାରପୁର ଗ୍ରାମରେ । ବାଣ ତିଆରି କରୁଥିବାବେଳେ ହଠାତ୍ ଭୟଙ୍କର ବିସ୍ଫୋରଣ ହୋଇଥିଲା । ଏହି ବିସ୍ଫୋରଣରେ ସମସ୍ତେ ସ୍ତବ୍ଧ ହୋଇଯାଇଥିଲେ । ବିସ୍ଫୋରଣରେ ୭ଜାଣଙ୍କ ଅକାଳରେ ମୃତୁ୍ୟ ଘଟିଥିବାବେଳେ ୩ଟି ଘର ସମ୍ପୂର୍ଣ୍ଣ ଧ୍ୱସ୍ତ ହୋଇଯାଇଛି । ଏଥିରେ ଅନେକ ଲୋକ ଆହତ ମଧ୍ୟ ହୋଇଛନ୍ତି ।
ଭାଗଲପୁର ରେଞ୍ଜର ଡିଆଇଜି ସୁଜିତ କୁମାର କହିଛନ୍ତି, ପ୍ରାଥମିକ ତଦନ୍ତରୁ ଯାହା ଜଣାପଡିଛି ଏହି ବିସ୍ଫୋରଣ ବାରୁଦ, ବାଣ ଓ ଦେଶୀ ବୋମା ଯୋଗୁ ହୋଇଛି । ତେବେ ଯାଞ୍ଚ ପରେ ଆହୁରି କିଛି ତଥ୍ୟ ସାମ୍ନାକୁ ଆସିବ ବୋଲି ସେ କହିଛନ୍ତି । ଆଗକୁ ମୃତକଙ୍କ ସଂଖ୍ୟା ବଢିପାରେ ବୋଲି ସେ କହିଛନ୍ତି । ଘଟଣାସ୍ଥଳରେ ଉଦ୍ଧାର କାର୍ଯ୍ୟ ଜାରି ରହିଥିବା ସୂଚନା ମିଳିଛି ।
Powered by Froala Editor
