ରୁଷ ଉପରେ ଗୁଗୁଲ କରିଛି ଡିଜିଟାଲ ଷ୍ଟ୍ରାଇକ୍
ୟୁକ୍ରେନ ଏବଂ ଋଷ ମଧ୍ୟରେ ଭୟଙ୍କର ଯୁଦ୍ଧ ଜାରି ରହିଛି। ରୁଷ ଲଗାତାର ୟୁକ୍ରେନ୍ ଉପରେ ଆକ୍ରମଣ କରି ଚାଲିଛି । ଏହାରି ଭିତରେ ରୁଷ ଉପରେ ହୋଇଛି ଡିଜିଟାଲ ଷ୍ଟ୍ରାଇକ୍। ଦେଶର ମିଡିଆ କମ୍ପାନୀ ରୁଷିଆ ଟୁଡେ ଏବଂ ସ୍ପୁଟିନିକର ୟୁଟ୍ୟୁବ୍ ଚ୍ୟାନେଲକୁ ବ୍ଲକ କରିବାକୁ ନିଷ୍ପତ୍ତି ନେଇଛି ଗୁଗଲ । ମଙ୍ଗଳବାର ୟୁଟ୍ୟୁବର ପେରେଣ୍ଟ କମ୍ପାନୀ ଗୁଗଲ ଏହି ନିଷ୍ପତ୍ତି ନେବା ପରେ ସାରା ୟୁରୋପରେ ଏହି ଦୁଇ ମିଡିଆ ସଂସ୍ଥାର ୟୁଟ୍ୟୁବ୍ ଚ୍ୟାନେଲ ବନ୍ଦ ରହିବ। ରୁଷିଆ ଟୁଡେ ଏବଂ ସ୍ପୁଟିନିକ ଋଷର ସରକାରୀ ଗଣମାଧ୍ୟମ ସଂସ୍ଥା । ଏହି ଦୁଇଟି ୟୁଟ୍ୟୁବ୍ ଚ୍ୟାନେଲର ସମ୍ବନ୍ଧ ସିଧାସଳଖ ରୁଷ ସରକାର ସହ ଥିଲା।
ଅନ୍ୟପକ୍ଷରେ ନେଟ୍ଫ୍ଲିକ୍ସ ମଧ୍ୟ ରୁଷ ବିରୋଧରେ କଡା ପଦକ୍ଷେପ ନେଇଛି। ତା’ର ଓଟିଟି ପ୍ଲାଟଫର୍ମରେ ରୁଷ କୌଣସି ବି ଚ୍ୟାନେଲକୁ ପ୍ରସାରିତ କରିବ ନାହିଁ ବୋଲି ଘୋଷଣା କରିଛି।
ଫ୍ରାନ୍ସ କହିଛି ଯେ, ସୋଶାଲ ମିଡିଆ ନେଟ୍ୱର୍କ ସୁପ୍ଟନିକ୍ ଚ୍ୟାନେଲକୁ ଫ୍ରାନ୍ସରେ ବ୍ଲକ କରାଯାଇଛି। ତେବେ ଟେଲିଗ୍ରାମ ଚ୍ୟାନେଲ ଏବେବି କାମ କରୁଛି। ସେପଟେ ଟ୍ୱିଟର ମଧ୍ୟ ରୁଷ ସହ ଜଡିତ ସମସ୍ତ ମିଡିଆ ୱେବ୍ସାଇଟ୍ର ସମସ୍ତ ଟ୍ୱିଟ୍ରେ ‘ଷ୍ଟେ ଇନ୍ଫର୍ମଡ୍’ ଲେବୁଲ ଲଗାଇବ ବୋଲି ଘୋଷଣା କରିଛି। ରୁଷ ସୋଶାଲ ମିଡିଆ ଜରିଆରେ ବିଭ୍ରାନ୍ତିକର ଖବର ପ୍ରଚାରପ୍ରସାର କରୁଥିବା ଅଭିଯୋଗ ହୋଇଛି।
Powered by Froala Editor
