କପିଲଙ୍କୁ ନେଇ ଫିଲ୍ମ କରୁଛନ୍ତି ଓଡ଼ିଆ ସିନେ ନିର୍ମାତା ନନ୍ଦିତା
ଭୁବନେଶ୍ୱର: ଓଡ଼ିଶା ପାଇଁ ଗର୍ବର ବିଷୟ । ବଲିଉଡ୍ର ହାସ୍ୟ ଅଭିନେତା କପିଲ ଶର୍ମାଙ୍କୁ ନେଇ ଫିଲ୍ମ ନିର୍ମାଣ କରୁଛନ୍ତି ଓଡ଼ିଆ ସିନେ ନିର୍ମାତା ନନ୍ଦିତା ଦାସ । ଏହାର ସୁଟିଂ ଏବେ ଭୁବନେଶ୍ୱରରେ ଚାଲୁଛି । ସିନେମାରେ କପିଲ ଜଣେ ଫୁଡ୍ ଡେଲିଭରୀ ବୟ ଭାବେ ନଜର ଆସିବେ । ତାଙ୍କ ବିପକ୍ଷରେ ନାୟିକା ସାଜିଛନ୍ତି ଶାହାନା ଗୋସ୍ୱାମୀ । ସେ ଫିଲ୍ମରେ କପିଲଙ୍କ ପତ୍ନୀ ଭୂମିକା ନିଭାଇଛନ୍ତି । ଆପ୍ଲାଉଜ୍ ଏଣ୍ଟରଟେନ୍ମେଣ୍ଟ ଏବଂ ନନ୍ଦିତା ଦାସ ଇନିସିଏଟିଭ୍ ଦ୍ୱାରା ସିନେମା ନିର୍ମାଣ ହେଉଛି । ଯେଉଁଥିରେ କିଛି ଓଡ଼ିଆ କଳାକାର ମଧ୍ୟ ଅଛନ୍ତି । ଏହାର ଶୀର୍ଷକ ଘୋଷଣା ହୋଇଥିବା ବେଳେ ଫିଲ୍ମ ବାବଦରେ ଖୁବ୍ଶୀଘ୍ର ସୂଚନା ଦିଆଯିବ ବୋଲି ପ୍ରଯୋଜନା ସଂସ୍ଥା ପକ୍ଷରୁ କୁହାଯାଇଛି ।
ଏନେଇ କପିଲ କହିଛନ୍ତି, ନନ୍ଦିତା ଦାସଙ୍କ ସହ କାମ କରିବାକୁ ସୁଯୋଗ ମିଳିଥିବାରୁ ମୁଁ ବହୁତ ଉତ୍ସାହିତ । ଆଶା କରୁଛି ଫିଲ୍ମଟି ନିଶ୍ଚିତ ଭାବେ ଦର୍ଶକଙ୍କ ହୃଦୟ ଛୁଇଁବ । ସେହିଭଳି ଶାହାନା କହିଛନ୍ତି, ମୋତେ ଫିଲ୍ମରେ ଅଭିନୟ କରିବାକୁ ସୁଯୋଗ ମିଳିଥିବାରୁ ମୁଁ ନନ୍ଦିତାଙ୍କ ପାଖରେ କୃତଜ୍ଞ । ସେ ଜଣେ ଜଣାଶୁଣା ସିନେ ନିର୍ମାତା ଭାବେ ଭାରତୀୟ ସିନେ ଜଗତରେ ପରିଚିତ । ତାଙ୍କ ସହ କାମ କରିବାକୁ ସୁଯୋଗ ମିଳିଥିବାରୁ ମୁଁ ଉତ୍ସାହିତ ।
Powered by Froala Editor
