ଭିତରକନିକାରେ ବଢ଼ିଛି ପକ୍ଷୀ ସଂଖ୍ୟା
କେନ୍ଦ୍ରାପଡା: ଭିତରକନିକା ଜାତୀୟ ଉଦ୍ୟାନ ଓ ରାଜନଗର ବନଖଣ୍ଡରେ ଚଳିତ ବର୍ଷର ବିଦେଶାଗତ ପକ୍ଷୀ ଗଣନା ଶେଷ ହୋଇଛି । ଅନୁକୂଳ ପାଗ ଓ ଜଳସ୍ତର ବୃଦ୍ଧି ଯୋଗୁଁ ଭିତରକନିକାରେ ବଢ଼ିଛି ପକ୍ଷୀ ସଂଖ୍ୟା । ଚଳିତ ବର୍ଷ ପକ୍ଷୀଙ୍କ ପ୍ରଜାତି ସଂଖ୍ୟା ବୃଦ୍ଧି ପାଇ ୧୪୪ରେ ପହଞ୍ଚିଛି । ମୋଟ ୧ ଲକ୍ଷ ୩୮ହଜାର ୧୦୭ଟି ପକ୍ଷୀ ଗଣନା କରାଯାଇଛି ।ଗତବର୍ଷ ୧୨୧ ପ୍ରଜାତିର ୧ଲକ୍ଷ ୩୬ହଜାର ୦୯୨ଟି ପକ୍ଷୀ ଭିତରକନିକାକୁ ଆସିଥିଲେ । ଗତବର୍ଷ ଅପେକ୍ଷା ଏ ବର୍ଷ ୨୩ଟି ପ୍ରଜାତିର ପକ୍ଷୀ ବଢିବା ସହିତ ୨,୦୧୫ଟି ପକ୍ଷୀ ଅଧିକ ଆସିଥିବା ସୂଚନା ମିଳିଛି । ଚଳିତ ବର୍ଷ ସର୍ବାଧିକ ୫୯, ୨୮୬ ଗିଜ୍ ଆଣ୍ଡ ଡକ୍ସ ଆସିଥିବା ଜଣାପଡ଼ିଛି । ମୁଖ୍ୟତଃ ପେଲିକାନ ପକ୍ଷୀଙ୍କୁ ଏଠାରେ ଦୁଇ ବର୍ଷ ହେବ ଦେଖିବାକୁ ମିଳିନାହିଁ । ଭିତରକନିକା, ସାତଭାୟା, ରାଜନଗର, ଚିଞ୍ଚିରି ମୁହାଣ, ଧାମରା ମୁହାଣ ଓ ପାରାଦ୍ବୀପ ଆଦି ସ୍ଥାନଗୁଡିକରେ ବିଦେଶାଗତ ପକ୍ଷୀ ଗଣନା କରାଯାଇଥିଲା । ଚଳିତ ବର୍ଷ ପକ୍ଷୀ ଗଣନାରେ ଓଡ଼ିଶା କୃଷି ଓ ବୈଷୟିକ ବିଶ୍ବବିଦ୍ୟାଳୟ ସହ କେନ୍ଦ୍ରାପଡ଼ା ସ୍ଵୟଂଶାସିତ ମହାବିଦ୍ୟାଳୟର ଛାତ୍ରଛାତ୍ରୀଙ୍କୁ ସାମିଲ କରାଯାଇଥିବା ନେଇ ବନଖଣ୍ଡ ଅଧିକାରୀ ସୂଚନା ଦେଇଛନ୍ତି ।
Powered by Froala Editor
