ଆଜିକାଲିର ଆଧୁନିକ ଯୁଗରେ ସୁସ୍ଥ ରହିବାପାଇଁ ନିଜ ଜୀବନଶୈଳୀକୁ ଠିକ ରଖିବା ସହ ଖାଇବା ପିଇବା ଉପରେ ସମ୍ପୂର୍ଣ୍ଣ ଧ୍ୟାନ ଦେବା ଆବଶ୍ୟକ । ଆପଣ ନିତ୍ୟବ୍ୟବହାର୍ଯ୍ୟ ଖାଦ୍ୟରୁ ଉଚିତ ଓ ପ୍ରଚୁର ପରିମାଣରେ ପ୍ରୋଟିନ ଓ ଭିଟାମିନ ପାଉଛନ୍ତି ତେବେ ଆପଣଙ୍କ ଶରୀରରେ ରୋଗପ୍ରତିରୋଧକ ଶକ୍ତିର କ୍ଷମତା ବଢ଼ିବା ସହିତ ଆପଣ ସୁସ୍ଥ ରହିବେ । ଭିଟାମିନ ମାନଙ୍କ ମଧ୍ୟରେ ଭିଟାମିନ ‘ସି’ ‘ଇ’ ଓ ଭିଟାମିନ ‘କେ’ ଭଳି ଶରୀର ପାଇଁ ଭିଟାମିନ-ବି୧୨ ର ପର୍ଯ୍ୟାପ୍ତ ଆବଶ୍ୟକତା ରହିଛି ।

ବୟସ ବଢ଼ିବା କ୍ରମେ ମାନସିକ ସ୍ଥିତି ରେ ସନ୍ତୁଳନ ଦେଖା ଦେବା ସହିତ ବୟସ୍କ ଲୋକଙ୍କ ପାଇଁ ଭୂଲିଯିବା ହେଉଛି ଏବେ ସମୟରେ ସବୁଠାରୁ ବଡ଼ ରୋଗ । ବୟସ ବଢ଼ିବା ସହିତ ମଣିଷର ସ୍ମରଣଶକ୍ତି କମିଯାଇଥାଏ ଓ ଏହା ଅଧିକ ବଢ଼ିଗଲେ ଡେ଼ମୋସିଆ ରୋଗ ଆକ୍ରମଣ କରିପାରେ । ସ୍ମରଣଶକ୍ତି କମିଯିବା ଓ ଡେ଼ମୋସିଆ ରୋଗର ପ୍ରମୁଖ କାରଣ ହେଉଛି ଭିଟାମିନ-ବି୧୨ ର ଅଭାବ ।

ଜଣେ ବିଶେଷଜ୍ଞଙ୍କ ମତରେ ଭିଟାମିନ ବି୧୨ ଆମ ଶରୀର ପାଇଁ ଅତ୍ୟନ୍ତ ଉପକାରୀ । ଏହାର ବୈଜ୍ଞାନିକ ନାମ କୋବାଲାମିନ ଅଟେ । ଏହା ବିଶେଷ ଭାବେ ଆମ ଶରୀରରେ ଥିବା ଲିଭରରେ ଷ୍ଟୋର ହୋଇଥାଏ ଓ ଶରୀରର ଅନେକ ଗୁରୁତ୍ୱପୂର୍ଣ୍ଣ ଅଙ୍ଗକୁ ପରିଚାଳନାରେ ସହାୟ କରିଥାଏ । ବିଶେଷ କରି ଏହି ଭିଟାମିନ ଘୁଷୁରୀ ମାଂସ,କୁକୁଡ଼ା ମାଂସ,ଗୋମାଂସର ଯକୃତ,ପନିର,କ୍ଷୀର ଆଦିରୁ ମିଳିଥାଏ ।

ଭିଟାମିନ ବି୧୨ ଶରୀରରେ କମ ହେଲେ ଏହା ସିଧାସଳଖ ଡିଏନଏ ସିନ୍ଥେସିସକୁ ପ୍ରଭାବିତ କରିଥାଏ । ଏହି କାରଣରୁ ରେଡ଼ ବ୍ଲଡ଼ ସେଲ ପ୍ରସ୍ତୁତ ହେବାର ଗତି ଧିମା ପଡ଼ିଥାଏ । ଏହାଫଳରେ ଘାତକ ରୋଗ ମେଗାଲୋବ୍ଲାଷ୍ଟିକ ହେବାର ସମ୍ଭାବନା ଥାଏ । ଅନ୍ୟପଟେ ହଜମଶକ୍ତି କମ ହେବା କାରଣରୁ ବି ମଣିଷ ଶରୀରରେ ଭିଟାମିନ ବି୧୨ କମିଯାଇଥାଏ । ଏହି ରୋଗ ବିଶେଷ ଭାବରେ ମଣିଷ ମସ୍ତିସ୍କର ସ୍ମୃତିଶକ୍ତି ଉପରେ ପ୍ରଭାବ ପକାଏ ।

Powered by Froala Editor