୩ଦିନ ବାବା ଆଖଣ୍ଡଳମଣୀଙ୍କ ଦର୍ଶନ ବନ୍ଦ
ଭୁବନେଶ୍ୱର: ପାଖେଇ ଅସୁଛି ନୂଆ ବର୍ଷ । ପୁରୁଣା ବର୍ଷକୁ ବିଦାୟ ଦେଇ ଲୋକେ ଖୁସିର ସହ ନୂଆ ବର୍ଷକୁ ସ୍ୱାଗତ କରିବାକୁ ଉକôଣ୍ଠାର ସହ ଅପେକ୍ଷା କରିଛନ୍ତି । କିନ୍ତୁ କରୋନାର ନୂଆ ଭାରିଆଣ୍ଟ ଓମିକ୍ରନ ହୁ ହୁ ହୋଇ ମାଡିଚାଲିଥିବାରୁ ଏବର୍ଷ ଫିକା ପଡିବ ନୂଆ ବର୍ଷ । ପ୍ରବଳ ଭିଡକୁ ଦୃଷ୍ଟିରେ ରଖି ଶ୍ରୀମନ୍ଦିରକୁ ଡିସେମ୍ବର ୩୧ ଓ ଜାନୁୟାରୀ ୧ ତାରିଖରେ ବନ୍ଦ ରଖିବାକୁ ପ୍ରଶାସନ ନିଷ୍ପତ୍ତି ନେଇଥିବାବେଳେ, ବାବା ଆଖଣ୍ଡଳମଣୀଙ୍କ ଦର୍ଶନ ମଧ୍ୟ ବନ୍ଦ ରହିବ ବୋଲି ଜିଲ୍ଲା ପ୍ରଶାସନ କହିଛି ।
ସୂଚନା ଅନୁସାରେ ଡିସେମ୍ବର ୩୧ ସକାଳ ୬ରୁ ଜାନୁୟାରୀ ୨ତାରିଖ ସନ୍ଧ୍ୟା ୮ଟା ପର୍ଯ୍ୟନ୍ତ ବାବାଙ୍କ ଦର୍ଶନ ବନ୍ଦ ରହିବ । ଏହାସହିତ ମନ୍ଦିର ଓ ପୀଠ ପରିସରରେ ଜିଲ୍ଲା ପ୍ରଶାସନ ପକ୍ଷରୁ ୧୪୪ଧାରା ଜାରି କରାଯାଇଛି । କେବଳ ସିମିତ ସଂଖ୍ୟକ ସେବାୟତଙ୍କୁ ମନ୍ଦିରର ନୀତିକାନ୍ତି କରାଯିବ ବୋଲି ସୂଚନା ମିଳିଛି । ନୂଆବର୍ଷରେ ପ୍ରବଳ ଭିଡକୁ ଦୃଷ୍ଟିରେ ରଖି ଜିଲ୍ଲା ପ୍ରଶାସନ ଏଭଳି ପଦକ୍ଷପ ନେଇଥିବା ସୂଚନା ମିଳିଛି ।
Powered by Froala Editor
