ନୂଆଦିଲ୍ଲୀ : ଝାଡ଼ଖଣ୍ଡରୁ ଦିଲ୍ଲୀ ଯାଉଥିବା ଏକ ଏୟାର ଆମ୍ବୁଲାନ୍ସ ଦୁର୍ଘଟଣାଗ୍ରସ୍ତ ହୋଇଛି। ଏୟାରକ୍ରାଫ୍ଟ ଆକ୍ସିଡେଣ୍ଟ ଇନଭେଷ୍ଟିଗେସନ୍ ବ୍ୟୁରୋ ଘଟଣାର ତଦନ୍ତ କରୁଛି।  ମିଳିଥିବା ସୂଚନା ଅନୁଯାୟୀ ଦୁର୍ଘଟଣାଟି ପକ୍ଷୀ ଧକ୍କା ଯୋଗୁଁ ନୁହେଁ, ବରଂ ଖରାପ ପାଗ ଯୋଗୁଁ ଘଟିଛି।  ପାଇଲଟ୍ ଏଟିସି ରୁଟ୍ ପରିବର୍ତ୍ତନ କରିବାକୁ ଅନୁମତି ମାଗିଥିଲେ। କିନ୍ତୁ ଅନୁମତି ମିଳିବା ପୂର୍ବରୁ ଯୋଗାଯୋଗ ବିଚ୍ଛିନ୍ନ ହୋଇଯାଇଥିଲା । ଏବଂ ବିମାନଟି ଦୁର୍ଘଟଣାଗ୍ରସ୍ତ ହୋଇଥିଲା। ଫଳରେ ବିମାନରେ ଥିବା ସମସ୍ତ ସାତ ଜଣଙ୍କର ମୃତ୍ୟୁ ହୋଇଥିଲା।

ଗତକାଲି ସନ୍ଧ୍ୟା ୭ଟା ୧୧ ମିନିଟ୍  ସମୟରେ, ଝାଡ଼ଖଣ୍ଡର ରାଜଧାନୀ ରାଞ୍ଚିର ବିର୍ସା ମୁଣ୍ଡା ବିମାନବନ୍ଦରରୁ ଏୟାର ଆମ୍ବୁଲାନ୍ସଟି ଦିଲ୍ଲୀ ଅଭିମୁଖେ ଉଡ଼ାଣ ଭରଥିଲା। କିନ୍ତୁ ସନ୍ଧ୍ୟା ୭ଟା ୩୪ ମିନିଟ୍ ସମୟରେ, ଚାତ୍ରା ଜିଲ୍ଲାର ସିମାରିଆ ଅଞ୍ଚଳର ଏକ ଜଙ୍ଗଲରେ ଏୟାର ଆମ୍ବୁଲାନ୍ସଟି ଦୁର୍ଘଟଣାଗ୍ରସ୍ତ ହୋଇଥିଲା। ବିମାନରେ ଥିବା ଜଣେ ୪୧ ବର୍ଷୀୟ ରୋଗୀ ସଞ୍ଜୟ କୁମାରଙ୍କର ଦୁର୍ଘଟଣାରେ ମୃତ୍ୟୁ ହୋଇଥିଲା। ଡାକ୍ତର ବିକାଶ କୁମାର ଗୁପ୍ତା, ସଚିନ କୁମାର ମିଶ୍ର, ପରିଚାରିକା ଅର୍ଚ୍ଚନା ଦେବୀ ଏବଂ ଧୁରୁ କୁମାର, ଏବଂ ପାଇଲଟ୍ ବିବେକ ବିକାଶ ଭଗତ ଏବଂ ସାୱରଦୀପ ସିଂହଙ୍କର ମଧ୍ୟ ମୃତ୍ୟୁ ହୋଇଛି।

Powered by Froala Editor