ରାଜନୀତିରୁ ସନ୍ୟାସ ନେଲେ ମେଟ୍ରୋମ୍ୟାନ
ପାଳକ୍କଡ: ମେଟ୍ରୋମ୍ୟାନ ଇ.ଶ୍ରୀଧରନ ସକ୍ରିୟ ରାଜନୀତିରୁ ସନ୍ୟାସ ନେଇଛନ୍ତି । ଗତ ଏପ୍ରଲରେ କେରଳ ବିଧାନ ସଭା ନିର୍ବାଚନରେ ସେ ବିଜେପି ଟିକେଟରୁ ପାଳକ୍କଡ ଆସନରୁ ନିର୍ବାଚନ ଳଢି ପରାଜିତ ହୋଇଥିଲେ । କେବଳ ସେ ନୁହଁନ୍ତି, ରାଜ୍ୟର ୧୪୦ ବିଧାନସଭା ଆସନରୁ ବିଜେପି ଗୋଟିଏ ହେଲେ ଆସନ ମଧ୍ୟ ପାଇନଥିଲା । ୯୦ବର୍ଷୀୟ ଶ୍ରୀଧରନ କହିଛନ୍ତି, ସେ ସକ୍ରିୟ ରାଜନୀତିରେ ଆଉ ରହିବେ ନାହିଁ । ସେହି ସମୟ ଅତିକ୍ରମ କରିଯାଇଛି । ସେ ରାଜନୀତି ଛାଡୁନାହାଁନ୍ତି ।
କିନ୍ତୁ ରାଜନୀତିରେ ତାଙ୍କର ଆଉ ରୁଚି ନାହିଁ । ସେ ରାଜନେତା ନଥିଲେ । ଅମଲାତନ୍ତ୍ରି ଭାବେ ରାଜନୀତିକୁ ଆସିଥିଲେ । ରାଜନୀତି ବିନା ସେ ୩ଟି ଟ୍ରଷ୍ଟ ମାଧ୍ୟମରେ ଲୋକଙ୍କ ସେବା କରିଛନ୍ତି । ନିର୍ବାଚନ ଫଳ ତାଙ୍କୁ କିଛିଟା ନିରାଶ କରିଥିଲା । କିନ୍ତୁ ପଛକୁ ଫେରି ଦେଖିବା ପରେ ସେ ଆଉ ନିରାଶା ଅନୁଭବ କରିନଥିଲେ ।
Powered by Froala Editor
